Ўзбекистон республикаси олий ва ўрта махсус таълим вазирлиги абу Райхон Беруний номли Тошкент давлат техника университети «Электроника ва автоматика» факультети

2-модда. Давлат стандартлаштириш тизими
Ўзбекистон Республикасида стандартлаштириш ишларини ўтказишнинг умумий ташкилий-техник қоидаларини тартибга солиб турувчи давлат стандартлаштириш тизими фаолият кўрсатади.
Республикада стандартлаштириш ишларини ташкил этиш, мувофиқлаштириш ва таъминлашни:

• 
  халқ хўжалиги тармоқларида - Ўзбекистон стандартлаштириш, метрология ва сертификатлаштириш агентлиги ("Ўзстандарт" агентлиги);
  
• 
  қурилиш, қурилиш индустрияси сохасида, шу жумладан лойихалаш ва конструкциялашда - Ўзбекистон Республикаси Давлат архитектура ва қурилиш қўмитаси (Давархитектқурилиш" қўмитаси);
  
• 
  табиий ресурслардан фойдаланишни тартибга солиш хамда атроф мухитни ифлосланишдан ва бошқа зарарли таъсирлардан мухофаза қилиш сохасида - Ўзбекистон Республикаси Давлат табиатни мухофаза қилиш қўмитаси (Давлат табиатни мухофаза қилиш қўмитаси);
  
• 
  тиббий мақсадлардаги махсулотлар, тиббий техника ашёлари, дори-дармонлар сохасида хамда республика саноати ишлаб чиқараётган, шунингдек импорт бўйича республикага етказиб берилаётган махсулотларда инсон учун зарарли моддалар миқдорини аниқлаш масалаларида - Ўзбекистон Республикаси Соғлиқни сақлаш вазирлиги амалга оширади.
  

Ушбу Қонунга мувофиқ давлат бошқарув органлари ўз ваколатлари доирасида стандартлар ва техник шартларни (бундан буён матнда "стандартлар" деб юритилади), шунингдек ушбу Қонунни қўллашга доир йўриқномалар ва изохларни ишлаб чиқадилар, тасдиқлайдилар, нашр этадилар.
3-модда. Стандартлаштириш ишларини ўтказиш
"Ўзстандарт" агентлиги ушбу Қонунга мувофиқ стандартлаштириш ишларини ўтказишнинг умумий қоидаларини, манфаатдор томонларнинг давлат бошқарув органлари, жамоат бирлашмалари билан олиб борадиган хамкорликдаги ишининг шакл ва усулларини белгилайди.
"Ўзстандарт" агентлиги", "Давархитектқурилиш" қўмитаси, Давлат табиатни мухофаза қилиш қўмитаси ва республика Соғлиқни сақлаш вазирлиги ўз ваколатлари доирасида стандартлаштириш ишларини бажаришни бошқа ташкилотларга топширишга хақлидирлар.
Стандартларни тасдиқлаган органлар стандартларга доир тармоқ ахборот жамғармаларини хосил қиладилар ва юритадилар хамда манфаатдор истеъмолчиларни халқаро (давлатлараро, минтақавий) стандартлар, Ўзбекистон Республикаси стандартлари, хорижий мамлакатларнинг миллий стандартларига доир ахборотлар билан, шунингдек стандартлаштириш сохасидаги халқаро шартномалар, техник-иқтисодий хамда ижтимоий ахборот давлат классификаторлари, стандартлаштириш қоидалари, нормалари ва тавсияларига оид ахборотлар билан таъминлайдилар.
Стандартларни нашр қилиш ва қайта нашр этишни уларни тасдиқлаган органлар амалга оширадилар.