Аудитнинг халқаро стандарти 260 бошқарув юклатилган шахслар билан ахборот алмашинуви расулова Ирода

АУДИТНИНГ ХАЛҚАРО СТАНДАРТИ 260 БОШҚАРУВ ЮКЛАТИЛГАН ШАХСЛАР БИЛАН АХБОРОТ АЛМАШИНУВИ

Расулова Ирода

2009 йилнинг 15 декабрида ёки ушбу санадан кейин бошланадиган даврлар учун молиявий ҳисоботларнинг аудитига нисбатан кучга кирган

• Мазкур Аудитнинг халқаро стандарти (АХС) молиявий ҳисоботларнинг аудитида бошқарув юклатилган шахслар билан ахборот алмашиниш бўйича аудитор жавобгарлигини қамраб олади.

• Мазкур АХС молиявий ҳисоботларнинг аудити ҳолатида ёзилган, аммо бошқа тарихий молиявий маълумотларнинг аудитларига нисбатан ҳам, ҳолатларга зарур бўлганда мослаштирилган ҳолда, қўлланиладиган бўлиши мумкин, қачонки бошқарув юклатилган шахслар бошқа тарихий молиявий маълумотларнинг тайёрланишини кузатиш бўйича жавобгарликка эга бўлса.

• Aхборот алмашинувининг муҳимлигини эътироф этган ҳолда, мазкур АХС бошқарув юклатилган шахслар билан аудиторнинг ахборот алмашинуви учун кенг қамровли асосни таъминлайди ва улар билан ахборот алмашинадиган айрим муайян масалаларни белгилайди.

• Мазкур АХС да асосий эътибор аудитордан бошқарув юклатилган шахсларга ахборот алмашинувига қаратилади.
• Бошқарув юклатилган шахслар – Тадбиркорлик субъектининг стратегик йўналишини назорат қилиш бўйича масъулиятга ҳамда тадбиркорлик субъектининг ҳисобдорлигига тегишли мажбуриятларга эга шахс(лар) ёки ташкилот(лар) (масалан, корпоратив трастлар). Бу молиявий ҳисобот бериш жараёнини назорат қилишни ўз ичига олади. Баъзи қонунчиликларда айрим тадбиркорлик субъектларида бошқарув юклатилган шахслар раҳбар ходимларни, масалан, хусусий ёки давлат секторидаги тадбиркорлик субъекти бошқарув кенгашининг ижрочи аъзоларини ёки эгаси-бошқарувчини ўз ичига олади.

• Агарда аудитор бошқарув юклатилган шахсларнинг иккиламчи гуруҳи, масалан, аудит қўмитаси, ёки шахс, билан ахборот алмашинувини амалга оширса, аудитор у бошқарув органи билан ҳам ахборот алмашиниши зарурлигини аниқлаши лозим.

• Аудитор бошқарув юклатилган шахслар билан молиявий ҳисобот аудитига нисбатан аудиторнинг жавобгарликлари, жумладан қуйидагилар юзасидан ахборот алмашиниши лозим: (a) Аудитор бошқарув юклатилган шахсларнинг кузатуви билан раҳбарият томонидан тайёрланган молиявий ҳисоботлар бўйича фикрни шакллантириш ва ифодалаш учун жавобгардир; ва (б) Молиявий ҳисоботларнинг аудити раҳбариятни ёки бошқарув юклатилган шахсларни уларнинг жавобгарлигидан озод этмайди.

• Аудитор бошқарув юклатилган шахслар билан ахборот алмашинувининг шакли, муддати ва кутилган умумий мазмуни юзасидан ахборот алмашиниши лозим.

• Агарда мазкур АХС орқали ахборот алмашиниши талаб этилган масалалар юзасидан оғзаки тарзда ахборот алмашинилса, аудитор уларни ҳамда қачон ва ким билан улар юзасидан ахборот алмашинилганини аудит ҳужжатларида акс эттириши лозим. Агарда масалалар юзасидан ёзма равишда ахборот алмашинилган бўлса, аудитор аудит ҳужжатлари сифатида ахборот алмашиувининг нусхасини ўзида сақлаши лозим.

E'tiboringiz uchun rahmat!