Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

105-савол. Давлат эҳтиёжлари учун харид қилинадиган, қишлоқ хўжалик маҳсулотларининг ҳисоб-китоб Жамғармаси тўғрисида тушунча беринг ?


Жавоб: Ўзбекистон Республикаси Президентининг 31.12.1998 йилдаги УП- 2165-сонли фармонига асосан «Давлат эхтиёжлари учун сотиб олинадиган қишлоқ хўжалик маҳсулотлари учун ҳисоб-китоблар Жамғармаси» ташкил қилинган. Жамғарманинг асосий вазифаси Давлат эҳтиёжи учун ишлаб чиқарилаётган Қишлоқ ҳўжалиги маҳсулотлари (пахта, буғдой ва шоли) учун тўловларни ўз вақтида молиялаштиришни ва тўла ҳисоб-китобни амалга ошириш, мақсадли фойдаланиш устидан назорат қилиш, сотиб олинаётган қишлоқ хўжалиги маҳсулотлари учун тўловларни амалга оширувчи барча бўғинлар (Молия вазирлиги, банк, тайёрловчи ва қишлоқ хўжалиги маҳсулотларини етиштирувчи) иш фаолиятини мувофиқлаштиришдан иборат.
Жамғарма асосан форвард контрактларига кўра пахта толаларини экспорт қилиш учун аванс тўловлар ва тўла ҳисоб китоб қилиш ҳисобига тушадиган пул маблағлари, давлат эхтиёжлари учун сотиб олинган қишлоқ хўжалик маҳсулотларини қайта баҳолаш ва уларни сотишдан олинган маблағларни аккумуляция қилишдан тушган маблағлар, давлат кредитлари ва бошқа бюджетдан ташқари маблағлар ҳисобига шаклланади.


106-савол. Давлат эҳтиёжларига сотиб олинадиган қишлоқ хўжалик маҳсулотлари учун ҳисоб-китоблар Жамғармасининг асосий вазифаларини айтиб беринг ?

Жавоб: Давлат эхтиёжлари учун етиштириладиган ва етказиб бериладиган пахта ва дон учун бўнакларни ва якуний ҳисоб китобларни ўз вақтида молиялаштириш.

- Давлат эхтиёжлари учун сотиб олинадиган қишлоқ хўжалик маҳсулотлари учун бўнаклар ва якуний ҳисоб-китоблар учун ажратилган маблағларни мақсадли ишлатилиши юзасидан назорат қилиш.
- Сотиб олинадиган маҳсулотларни ҳисоб китобни таъминловчи қишлоқ хўжалик маҳсулотларни етиштирувчи, тайёрловчи ташкилотлари, банклар ва Молия вазирлиги фаолиятини мувофиқлаштириш.
- Давлат эхтиёжлари учун қишлоқ хўжалик маҳсулотлари ҳарид қилиш юзасидан бош келишувлар тузиш, давлат эхтиёжлари учун қишлоқ хўжалик маҳсулотлари етиштирилишини молиялаштириш.