Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

Тўлов балансида барча экспорт, импорт операциялари, яъни:

• 
  Товар, пул, капитал, хизматлар, интелектуал мулклар ва бошқа операциялар ўз аксини топади.
  

Тўлов баланси 3 қисмдан иборатдир.
1. Жорий операциялар счёти;
2. Капиталлар ҳаракати счёти;
3. Расмий заҳиралар ва у “0” билан чиқиши, яъни баланс бериши шарт, акс ҳолда тўлов балансида хатолар борлиги ҳисобланади.


9-савол. Республикада пул кредит сиёсатини ким амалга оширади ва у нима?


Жавоб. Ўзбекистонда пул-кредит сиёсатини ваколатли орган - Марказий банк амалга оширади (Ўзбекистон Республикасининг 1995 йил 21 декабрда қабул қилинган «Ўзбекистон Республикаси Марказий банки тўғрисида»ги Қонунига биноан).
Мазкур сиёсатни ишлаб чиқиш ва амалга ошириш жараёнида Марказий банк қуйидаги услублардан фойдаланади:
- тижорат банкларига бериладиган кредитлар учун фоиз ставкаларини ўзгартириш (расмий ҳисоб ставкаси, кайта молиялаш ставкаси, ломбард ставкаси);
- банкларнинг мажбурий заҳира меъёрларини ўзгартириш;
- очиқ бозордаги операцияларни тартибга солиш;
- валюта курси сиёсати, яъни иқтисодиётда валюта муносабатлари ва валюта курси билан боғлиқ сиёсатни амалга ошириш.


10-савол. Ялпи ички маҳсулот нима?


Жавоб: Маълум давр мобайнида (одатда, бир йил) мамлакат ичидаги барча хўжалик юритувчи субъектлар томонидан яратилган маҳсулотлар (иш, хизмат) бозор баҳосидаги қийматлари йиғиндисидир. ЯИМ да мамлакат ичидаги барча хўжаликлар, шу жумладан хорижий компанияларнинг фаолият натижаси ҳисобга олинади, аммо чет элдаги Ўзбекистон компаниялари томонидан яратилган маҳсулот қиймати акс этмайди. Ялпи Миллий Маҳсулотдан фарқи шундаки, ЯММ таркибига мамлакат ичида фаолият юритаётган хорижий компанияларнинг маҳсулоти киритилмайди. Ўзбекистонда ЯММга нисбатан ЯИМ қиймати доим юқори бўлиб келган.


11-савол. Ўзбекистон Республикасининг қайси ҳудудлари Эркин индустриал-иқтисодий зона деб белгиланди?