Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

Жавоб: Қорақалпоғистон Республикаси бюджети, вилоятлар ва Тошкент шаҳар бюджетлари даромад қисми кўрсаткичларининг ошириб бажарилиш суммаси ҳисоб даври учун белгиланган Қорақалпоғистон Республикаси бюджети, вилоятлар ва Тошкент шаҳри бюджетлари даромад қисми аниқланган параметрлари билан тегишли бюджетнинг ҳисобот даврида хақиқатда тушган даромадлари ўртасида тафовут тарзида аниқланади.
Даромад қисмини ортиғи билан бажарилган қисмини аниқлашда ушбу тафовут ҳисобот даврида айланма касса маблағларнинг бажарилмаган қисми ва маҳаллий бюджет даромадига олинадиган солиқ ва тушумларнинг ортиқча тўловларига камайтирилади.
Даромад қисмини ортиғи билан бажарилган қисми ҳисобот йилининг 1 апрель, 1 июль ва 1 октябрь ҳолатларига ташкил топиши мумкин.
Ўтган чоракда даромад қисмини ортиғи билан бажарилган қисм ҳисобидан маблағ ажратилган бўлса солиқ ва тушумлар бўйича ортиқча тўловлар фақат жорий чоракда кўпайган қисми тафовутдан камайтирилади.
“Бюджет тизими тўғрисида”ги Қонун (35-модда) ҳамда Молия вазирлигининг 2001 йил 29 декабрдаги 130-сонли буйруғи билан тасдиқланган (Адлия 14.03.2002й. №1111) “Ўзбекистон Республикаси давлат бюджетини тузиш ва ижросини амалга ошириш тўғрисида”ги Тартиб (пункт №220-222)га асосан солиқ ва бюджет тўловлари интизомини мустаҳкамлаш юзасидан кўрилган чора-тадбирлар натижасида Қорақалпоғистон Республикаси бюджети ва маҳаллий бюджетларга тасдиқланган кўрсаткичлардан ташқари тушган қўшимча даромадлар айланма касса маблағи меъёри тасдиқланганидан кам бўлмаган миқдорда сақланиб қолган тақдирда қабул қилинган бюджетдагидан ташқари харажатларга йўналтирилиши мумкин. Мазкур масалага доир қарорлар Қорақалпоғистон Республикаси Вазирлар Кенгаши ва тегишли ҳокимлар томонидан қабул қилинади.
Даромадлар режасининг ошириб бажарилган қисми 1-навбатда ушбу бюджетининг режалаштирилган харажатларини қоплашга, ҳар ойнинг 1 санасига айланма касса маблағлари миқдорини белгиланган режа доирасида сақлаб туришга йўналтирилади. Ушбу шартлар бажарилгандан кейин ортиб қолган маблағ ушбу бюджетнинг қўшимча харажатларига йўналтирилиши мумкин.
Ушбу маблағ қуйидаги тартибда йўналтирилади:
Иқтисодиёт харажатлари ва ижтимоий-маданий тадбирларни молиялаштириш харажатларига,
Тасдиқланган манзилий дастурларда белгиланган объектларга капитал қўйилмалар,
Қишлоқлар, посёлкалар, шаҳарлар ва туманларни ободонлаштириш харажатларига,
Тегишли ҳокимликлар ва уларнинг бўлимлари биноларини капитал таъмирлаш, улар учун жиҳозлар ва воситалар сотиб олиш учун.
Асос: 12.04.2001 йилдаги 1025-Йўриқноманинг 85-моддаси.