Ўзбекистон Республикаси молия вазирлигининг Назорат-тафтиш бош бошқармаси ва унинг ҳудудий бошқармалари ходимларига (лавозимли)

103-савол. Инвентаризация ўтказиш муддатларини айтинг ?


Жавоб: Адлия вазирлигида 02.11.1999 йил 833-сон билан рўйхатга олинган ва Молия вазирлиги томонидан тасдиқланган (19.10.1999 йил №эг/17-19-2075) Ўзбекистон Республикаси 19-сонли БҲМС - «Инвентаризацияни ташкил этиш ва ўтказиш»га асосан йиллик молиявий ҳисоботни тузиш олдидан, инвентарлаш ҳисобот йилининг 1 октябридан кечиктирмай ўтказилади.
Адлия вазирлигида 17.07.06 йил 1595-сон билан рўйхатга олинган "Товар-моддий заҳиралар" 4-сон БҲМСга биноан товар-моддий заҳиралар бир йилда камида бир марта инвентарланади.
Адлия вазирлигида 20.01.2004 йил 1299-сон билан рўйхатга олинган "Асосий воситалар" 5-сон БҲМСга биноан асосий воситалар икки йилда камида бир марта, кутубхона фондлари эса беш йилда бир марта инвентарланади.
Пул маблағлари, пул ҳужжатлари, бойликлар ва қатъий ҳисобдаги бланклар ойда бир марта, ёнилғи-мойлаш материаллари, озиқ-овқат маҳсулотлари - ҳар чоракда, қимматбаҳо металлар - тармоқ йўриқномаларига мувофиқ инвентарланади.
Айрим жойлар ва мавсумий тусда ишлайдиган корхоналарда ишлаб чиқариш заҳиралари улар энг кам миқдорда қолганда қуйидаги ҳолларда инвентарланади:
- асосий воситалар ва товар-моддий бойликлар қайта баҳоланганда;
- моддий-жавобгар шахслар алмашганда;
- ўғирлик ёки суиистеъмол, шунингдек, бойликларни ишдан чиқариш фактлари аниқланганда;
- табиий офатлар, ёнғинлар, фалокатлар ёки ғайритабиий шароитлар юзага келтирган бошқа фавқулодда вазиятлар юз берганда;
- хўжалик юритувчи субъект тугатилганда (қайта ташкил этилганда) тугатиш (ажратиш) балансини тузиш олдидан ва қонунчиликда назарда тутилган бошқа ҳолларда.


104-савол. Қандай ҳолатларда режадан ташқари инвентаризация ўтказилишини айтиб беринг ?


Жавоб: Адлия вазирлигида 02.11.1999 йил 833-сон билан рўйхатга олинган ва Молия вазирлиги томонидан тасдиқланган (19.10.1999 йил №эг/17-19-2075) Ўзбекистон Республикаси 19-сонли БҲМС - «Инвентаризацияни ташкил этиш ва ўтказиш»га асосан режадан ташқари инвентаризация қуйидаги ҳолларда ўтказилади:
- асосий воситалар ва товар-моддий бойликлар қайта баҳоланганда;
- моддий-жавобгар шахслар алмашганда;
- ўғирлик ёки суиистеъмол, шунингдек, бойликларни ишдан чиқариш фактлари аниқланганда;
- табиий офатлар, ёнғинлар, фалокатлар ёки ғайритабиий шароитлар юзага келтирган бошқа фавқулодда вазиятлар юз берганда;
- хўжалик юритувчи субъект тугатилганда (қайта ташкил этилганда) тугатиш (ажратиш) балансини тузиш олдидан ва қонунчиликда назарда тутилган бошқа ҳолларда.

IX. Мақсадли Жамғармалар маблағлари тўғрисида