Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида И.Алиевнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  И.Алиевнинг келтирган важларини қилмишни юридик таҳлил қилишдаги аҳамиятини таҳлил қилинг.
  

43-КАЗУС

2015 йил 13 декабрь куни Тошкент шахар, Яшнобод тумани, Байқўрғон кўчаси, 34-уйда жойлашган «GUL-BOSTON-BIZNES» ХКга қарашли «NANEVSKOY» ресторани, Тошкент шахар ДСБ ходимлари томонидан текширилганда, ушбу ресторан ходими Ж.Галочкинага мижоз Д.Нуруллаев мурожаат қилиб, ундан овқат, салат, ароқ ва сигарет олиб келишини буюрган, сўнг Ж.Галочкина буюрган нарсаларни олиб, келиб, мижоздан 82.300 сўм миқдорида нақд пул олиб, аммо ўз навбатида НКМ дан чек уриб бермаган, сўнг хизматкор билан мижоз ўртасида ўзаро хисоб-китоб тугагач, ДСБ ходимлари келиб ўтказилган текширув жараёнида нақд пул билан НКМ ҳисоботи солиштирилганида 2.818.500 сўм тушум пули НКМ хотирасига киритилмаганлиги аниқланган.

Бундан ташқари текширув давомида шахобча савдосида бўлган «GUL-BOSTON-BIZNES» ХКнинг рахбари А.Рыбакова томонидан қонунга хилоф равишда ва кирим ҳужжатларисиз сотувга қўйилган 8 хил турдаги 59 дона умумий бахоси 2.614.000 сўм миқдоридаги спиртли ичимлик махсулотлари ҳамда 4 хил турдаги 53 дона умумий бахоси 2.186.400 сўм миқдоридаги салқин ичимлик махсулотлари аниқланиб ушбу махсулотлар вақтинчалик ашёвий далил сифатида олиб қўйилган.
Савол:

• 
  Ўзбекистон Республикаси МЖтК асосида Ж.Галочкина ва А.Рыбаковаларнинг ҳаракатларини ҳуқуқбузарлик сифатида эътироф этиш асосларини таҳлил қилинг;
  
• 
  Ж.Галочкина ва А.Рыбаковалар чет эл фуқаролари ёки фуқаролиги бўлмаган шахс бўлганида уларнинг жавобгарлигини таҳлил қилинг.
  

44-КАЗУС

2015 йил 16 июль куни Тошкент шаҳар, Яшнобод туман ҳудудида жойлашган “Янгиобод” бозори Тошкент шахар прокуратура департаменти ходимлари томонидан текширилганда, фуқаро А.Кравец ҳеч қандай ҳужжатларсиз маънавиятимизга зид бўлган, аҳлоқсиз фахшни тарғиб қилувчи порнографик мазмундаги DVD дискларининг савдоси билан шуғулланаётганлиги аниқланиб, ундан ашёвий далил сифатида ҳар бирининг нархи 5000 сўмлик умумий баҳоси 1.200.000 сўмлик жами 240 дона порнографик мазмундаги DVD дисклари вақтинчалик олиб қўйилган.

Ҳуқуқбузар А.Кравец ўз тушунтиришида 2016 йил 16 июль куни Тошкент шаҳар, Яшнобод туман ҳудудида жойлашган “Янгиобод” бозорида ҳеч қандай ҳужжатларсиз маънавиятимизга зид бўлган, ахлоқсиз фахшни тарғиб қилувчи порнографик мазмундаги DVD дискларининг савдоси билан шуғулланаётганлиги, сўнг унинг ёнига унга кейин маълум бўлган У.Икрамов мурожаат қилиб, 1 дона DVD дискини бериши айтганлиги ва у У.Икрамовга 1 дона DVD дискини бериб, эвазига 5000 сўм нақд пул олганлиги, шу пайт унинг олдига икки фуқаролик кийимида шахслар келиб, ўзларини Тошкент шахар прокуратура департаменти ходимлари деб таништириб, текширув эълон қилишганлиги, текширув давомида ундан савдо билан шуғулланиш учун керакли ҳужжатларни сўрашганлиги, аммо у уларга тақдим қила олмаганлиги, шундан сўнг ундан ашёвий далил сифатида ҳар бирининг нархи 5000 сўмлик умумий баҳоси 1.200.000 сўмлик жами 240 дона порнографик мазмундаги DVD дисклари вақтинчалик олиб қўйишганлиги, ҳозирги кунда қилган ишидан пушаймонлиги билдирган.