2-laboratoriya ishi Mavzu: тиф тннинг 1-Қоидаси

2-laboratoriya ishi
Mavzu: ТИФ ТНнинг 1-ҚОИДАСИ
Товарларни классификациялаш ва кодлашнинг уйғунлашган тизими конвенциясининг 1-моддасига асосан товарларни классификациялаш Уйғунлашган тизимнинг 6 та қоидаси асосида амалга оширилиши керак. Шу сабабли бир товарни ташқи иқтисодий фаолиятдаги код рақамини аниқлаш учун 6 та қоиданинг мазмун-моҳиятини чуқур англаш талаб қилинади.
Интерпретация қилишнинг 1-ҚОИДАСИ
*Бўлимлар, гуруҳлар ва кичик гуруҳларнинг номлари номенклатурадан фақат фойдаланишда қулайлик бўлиши учунгина келтирилган;
юридик мақсадларда товарларни классификациялаш товар позицияларининг матнлари (текстлари), бўлимлар ва гуруҳлар учун берилган изоҳлардан келиб чиққан ҳолда амалга оширилади, агар бундай матнлар ва изоҳларда бошқача талқин бўлмаса, классификациялаш кейинги қоидаларга мувофиқ амалга оширилади.
* Қоидаларнинг тўлиқ ифодаси рус, француз ёки инглиз тилларида берилган.
Қоида шартли 3 қисмдан ташкил топган. 1-қисм.
(I) Номенклатура халқаро товар айланувида бўлган товарларнинг тизимлашган кодлар ва матнларда ифодаланган рўйхати ҳисобланади. Ушбу товарлар номенклатурада ўз номларига эга бўлган бўлим, гуруҳ ва кичик гуруҳлар кўринишида ифодаланган. Бўлим, гуруҳ ва кичик гуруҳларга турли хилдаги товарлар киритилган. Шу сабабли бўлим, гуруҳ ва кичик гуруҳларнинг номларида бўлим, гуруҳ ва кичик гуруҳлар доирасидаги товарларнинг барчасини қамраб олиш мумкин эмас.
(II) Бўлим, гуруҳ ва кичик гуруҳларнинг номлари, уларнинг доирасидаги товарларнинг барчасини қамраб олмаганлиги сабабли 1-қоида «фақат фойдаланишда қулайлик бўлиши» тушунчаси билан бошланган. Бу ҳолат бўлим, гуруҳ ва кичик гуруҳларнинг номлари мақоми юридик кучга эга эмаслигини билдиради.
Бунга кўра, товарни классификациялашда ТИФ ТНнинг бўлим, гуруҳ ва кичик гуруҳларининг номларига таяниб қолмаслик керак. Бу номлар товар қандай жойларда (бир неча вариантда) классификацияланиши мумкин деган саволга жавоб топиш учунгина керак бўлади.