Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида П.Ачиловнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  П.Ачиловнинг ҳуқуқбузарлиги учун жазо тиайинлашда маъмурий жавобгарликни енгиллаштирувчи ва оғирлаштирувчи ҳолатларни таҳлил қилинг.
  

39-КАЗУС

2013 йил 24 август куни соат 23:50 ларда ҳуқуқбузар М.Эргашев Тошкент шаҳар, Мирзо Улуғбек тумани, Осиё кўчасида жойлашган Кабобхонада ички ишлар ходимлари томонидан бир неча маротаба соат 23:00 дан кейин савдо билан шуғулланмаслиги тўғрисида огохлантирилган бўлишига қарамасдан савдо билан шуғулланган.

Суд мажлисида ўз кўрсатмасида ҳуқуқбузар М.Эргашев хақиқатдан 2013 йил 24 август куни соат 23:50 ларда Тошкент шаҳар, Мирзо Улуғбек тумани, Осиё кўчасида жойлашган кабобхонада бўлганини, ички ишлар ходимлари томонидан бир неча маротаба соат 23:00 дан кейин савдо билан шуғулланмаслиги тўғрисида огохлантирилганлигини, аммо бирор бир қонун ҳужжатида соат 23.00дан сўнг савдо қилмаслик ҳақида ёзилмаганини, ички ишлар ходимларининг талаби ноқонуний бўлганини, унга тадбиркорлик фаолиятини эркин амалга оширишига тўсқинлик қилинаётганини айтиб, ўзига нисбатан юритилаётган маъмурий жавобгарлик тўғрисидаги ишни ҳаракатдан тугатишни сўраган.


Савол:

• 
  Ўзбекистон Республикаси МЖтК асосида М.Эргашевнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  М.Эргашевнинг келтирган важларини қилмишни юридик таҳлил қилишдаги аҳамиятини таҳлил қилинг.
  

40-КАЗУС

2013 йил 21 октябрь куни адвокат А.Зубайдов ҳимоясидаги фуқаро С.Содиқовнинг ҳуқуқларини ҳимоя ҳилиш мақсадида, “3-сон трамвай-троллейбус депоси” ДУК рахбари Б.Ахматов номига, корхонада ҳуқуқшунос лавозимида ишловчи С.Содқовга тегишли маълумотларни бериш ҳақида адвокат сўрови билан мурожаат қилган, лекин Б.Ахматов 2013 йил 07 ноябрь куни адвокат А.Зубайдовга рад жавобини берганлиги аниқланган.

Суд мажлисида хуқуқбузар Б.Ахматов қуйидагиларни, яъни у 2013 йил 21 октябрь куни адвокат А.Зубайдов уни номига, корхонада ҳуқуқшунос лавозимида ишловчи С.Содиқовнинг ойлик иш ҳаққиси тўғрисида маълумотларни бериш ҳақида сўровнома билан мурожаат қилганлигини, лекин у 07.11.2013 йилда адвокат А.Зубайдовга рад жавобини берганлигини айтиб кўрсатма берган.