Ўзбекистон Республикаси Маъмурий жавобгарлик тўғрисидаги кодекси асосида вазиятга ҳуқуқий бахо беринг

Савол:

• 
  Ўзбекистон Республикаси МЖтК асосида Б.Ахматовнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  Б.Ахматовнинг келтирган важларини қилмишни юридик таҳлил қилишдаги аҳамиятини таҳлил қилинг.
  

41-КАЗУС

2016 йил 4 май куни соат 18-30ларда ВЧД-1 депоси КРЦ-16 ишчиси фуқаро Музаффаров Тохир корхона, муассаса, ташкилотларнинг мол-мулкини ўғирлаш, растрата қилиш мақсадида, ўзи ишлайдиган цехдан электр эхтиёт кисмларини олиб кетаётган вақтда, Тошкент товар бекати худудида ИИБ ходимлари томонидан ушланган. Унга нисбатан маъмурий ҳуқуқбузарлик тўғрисида баённома расмийлаштирилган.

Фуқаро Музаффаров Тохир ўз кўрсатмасида ҳақиқатдан ҳам 2016 йил 4 май куни соат 18-30ларда ўзи ишлайдиган цехдан электр эхтиёт кисмларини яширин равишда олиб чиқиб кетаётганлиги, сўнг корхона худудидаги ИИБ ходимлари томонидан ушланганлиги, ИИБ ходимлари тегишли ҳужжатларни расмийлаштиришганлиги, қилган ишидан пушаймонлиги, бундай холат такрорланмаслиги ҳақида кўрсатма берган.
Савол:

• 
  Ўзбекистон Республикаси МЖтК асосида Т.Музаффаровнинг ҳаракатларини ҳуқуқбузарлик сифатида эътироф этиш асосларини таҳлил қилинг.
  
• 
  Т.Музаффаровнинг ҳуқуқбузарлиги учун жазо тиайинлашда маъмурий жавобгарликни енгиллаштирувчи ва оғирлаштирувчи ҳолатларни таҳлил қилинг.
  

42-КАЗУС

2014 йил 24 январь куни тузилган маъмурий баённомага асосан, 2013 йил 09 декабрь куни, фуқаро И.Алиевга нисбатан туман суди томонидан 6 ой муддатга маъмурий назорат ўрнатилган бўлиб, маъмурий назорат қоидаларига кўра фуқаро И.Алиев ҳар ойнинг 5, 15, 25 санаси куни туман ИИБ га қайта рўйхат ўтиш учун мурожаат қилиши керак бўлиб, бироқ фуқаро ИАлиев. туман ИИБга рўйхатдан ўтиш учун келмаган ва у ўзининг бу харакатлари билан маъмурий назорат қоидаларини бузган.

Суд мажлисида ҳуқуқбузар И.Алиев айбига иқрорлик билдириб, яъни хақиқатдан хам 2013 йил 09 декабрь куни унга нисбатан туман суди томонидан 6 ой муддатга маъмурий назорат ўрнатилганлигини, лекин у туман ИИБга рўйхатдан ўтиш учун келмаганлигини, хозирда қилмишидан чин кўнгилдан пушаймонлигини, бу ҳолат бошқа такрорланмаслигини айтиб кўрсатма берган.