Ўзбекистон республикаси ‎‎Қишлоқ ва сув хўжалиги вазирлиги

1.5. Тупроқ мелиоратив ҳолати
Бухоро вилоятида суғориладиган майдонлари 275,2 минг гектарни ташкил қилиб, шундан 230,27 минг/га коллектор-зовур тизимлари билан таъминланган. 42,51 минг/га тик дренаж қудуқлари, 15,5 минг/га ёпиқ-ётиқ зовурлар билан таъминланган. Демак, суғориладиган ерларнинг 80 % дан ортиқроғи коллектор-зовур тизимлари билан таъминланган. Умуман вилоятда 8217,5 км (234,7 минг га) бўлиб, шундан очиқ коллекторлар 7302,5 км (173,9 минг га ) ни, ёпиқ ётиқ зовурлар эса 1001,4 км ( 15,5 минг га) ни ташкил этади. Вилоят бўйича коллектор-зовур тизимларининг солиштирма узунлиги лойиҳа шароити учун 54 п·м/га бўлган ҳолда, амалдагиси 34,6 п·м/га ни ташкил қилади. Вилоят гидрогеологик-мелиоратив экспедицияси маълумотлари бўйича бу кўрсаткичлар 30,21 п·м/га ни ташкил қилди.
Мелиоратив кадастр маълумотларига кўра, ҳозирда вилоят бўйича 38 минг гектар (13,8 %) яхши, 211,4 минг гектар (76,8 %) қониқарли ҳамда 26,3 минг гектар (9,6 %) меилоратив нуқтаи назардан қониқарсиз майдонларни ташкил қилади.
Бухоро вилоятида суғориладиган майдонларнинг шўрланганлик даражаси бўйича тақсимланиши.
1.5.1-жадвал.

Жами суғорила-диган майдон	Шу жумладан
	Жами шўрлан –маган майдон	жами шўрланган майдон	Шундан
			кучсиз шўрланган	ўртача шўрланган	кучли шўрланган
275,030	37,988	237042	170110	60054	6878

Жадвалдаги маълумотларга асосан, ҳозирги вақтда Бухоро вилоятида 275,03 минг гектар суғориладиган ерларнинг мелиоратив ҳолати қониқарсиз ерлар – 32,1 минг,га (11,5 %) бўлиб, бу аввало тупроқнинг шўрланиш даражаси юқорилиги ва ер ости сувларининг кўтарилиши билан боғлиқдир.

Вилоятдаги мавжуд суғориладиган майдонларнинг 238 минг гектари, ёки 86,2 фоиз қисми турли даражада шўрланган ерлардан иборат. Шундан, 66932 минг гектари ўрта ва кучли шўрланган майдонларни ташкил қилади. Мелиоратив кадастр маълумотларига кўра, ҳозирда вилоят бўйича 38 минг гектар (13,6 %) яхши, 211,4 минг гектар (76,8 %) қониқарли ҳамда 26,3 минг гектар (9,6 %) меилоратив нуқтаи назардан қониқарсиз майдонларни ташкил қилади.
Вилоятда ҳар йили вегетация мавсумида шўри ювилган майдонларда шўрланишнинг қайта тикланиши кейинги йилларда деярли бир хилда давом этмоқда. Бу 1.5.2. жадвал маълумотларидан кўриниб турибди.