Ўзбекистон республикаси адлия вазирлиги тошкент давлат юридик институти шорахметов шоакбар шорустамович

2-м о д д а. Фуқаролик суд ишларини юритиш тўғрисидаги
қонун ҳужжатлари


Фуқаролик суд ишларини юритиш тўғрисидаги қонун ҳужжатлари ушбу Кодекс ва бошқа қонун ҳужжатларидан иборатдир.
Фуқаролик суд ишларини юритиш тўғрисидаги қонун ҳужжатлари буйруқ тартибидаги ишларни, даъво тартибидаги ишларни, органлар ва мансабдор шахсларнинг хатти-ҳаракат­лари (қарорлари) устидан берилган шикоятлар бўйича ишлар­ни ҳамда алоҳида тартибда юритиладиган ишларни кўриб чиқиш ва ҳал этиш тартибини белгилайди.


1. Фуқаролик процессуал ҳуқуқининг манбалари тўғрисидаги кўрсатмалар қонунларда белгиланган. ФПКнинг 2-моддасида ва бошқа қонунларда белгиланганидек, суд ишлари Ўзбекистон Рес­публикаси Олий Мажлиси томонидан қабул қилинган қонунлар, Ўзбекистон Республикаси Президентининг фармонлари, Вазирлар Маҳкамаси ва бошқа давлат бошқарув органлари қарорларига асо­сан ҳал қилинади. Шунингдек, суд фаолиятига давлат ҳокимияти­нинг бошқа органлари томонидан ўзларига берилган ҳуқуқ доира­сида чиқарилган ҳужжатлари ҳам тадбиқ қилинади. Суд қонунга мувофиқ, чет эл ҳуқуқ нормаларини ҳам тадбиқ этади. Шунга би­ноан фуқаролик процессуал ҳуқуқининг манбаларини қуйидагилар ташкил этади:
Биринчидан, Ўзбекистон Республикасининг Конституцияси¹ ҳисобланиб, мазкур Асосий қонун, суд, хўжалик суди ва проку­ратура идораларининг ташкил топиши ва фаолиятлари принцип­лари, фуқаролар, ташкилотларнинг ҳуқуқ ва бурчларини белгилай­диган муҳим ҳуқуқий меъёрдир;
иккинчидан, 2000 йил 14 декабрдаги Ўзбекистон Республика­сининг янги таҳрирдаги “Судлар тўғрисида”ги Қонуни² одил судлов вазифаларини белгиловчи, унинг демократик принцип асосида амалга ошириш усулларини, одил судлов органларининг тузилиши, ташкил топиши ва фаолияти принципларини белгиловчи муҳим қонун ҳужжатидир;
учинчидан, Ўзбекистон Республикасининг Фуқаролик процес­суал ва Хўжалик процессуал кодекслари фуқаролик ишлари бўйича одил судловни амалга оширишнинг процессуал тартибини батаф­сил қоидалаштирувчи қонун ҳужжатлари бўлиб, Ўзбекистон Рес­публикаси Олий Мажлиси томонидан 1997 йил 30 августда қабул қилиниб, 1998 йил 1 январдан эътиборан амалга киритилди;