Ўзбекистон республикаси адлия вазирлиги тошкент давлат юридик институти шорахметов шоакбар шорустамович

236-м о д д а. Сиртдан чиқарилган ҳал қилув қарорининг
қонуний кучи


Сиртдан чиқарилган ҳал қилув қарори ушбу Кодекснинг 217-моддасида назарда тутилган қоидаларга мувофиқ қонуний кучга киради.


1. Ушбу қоиданинг мазмунига қараганда сиртдан чиқарилган ҳал қилув қарорининг қонуний кучга кириши билан боғлиқ қоидаларни умумий тартибда кўриб чиқарилган ҳал қилув қарорларини қонуний кучга киришдаги фарқи деярли кўринмайди. Шунинг учун ҳам мазкур қоидада ФПКнинг 217-моддасида кўрсатилган тартибда ҳал қилув қарорлари қонуний кучга киритилишига ҳавола қилинади.
Сиртдан чиқарилган ҳал қилув қарорининг қонуний кучга ки­ришида бериладиган шикоят (протест) учун муддатнинг қисқар­тирилиши бундай иш кўришнинг ўзига хос хусусиятларидан ҳисобланади.
Агар сиртдан чиқарилган ҳал қилув қарорига апелляция шикояти (протести) бериладиган бўлса, бундай ҳолларда ҳал қилув қарори юқори судда ўзгартирилмай қолдирилган ҳоллардан кейин қонуний кучга киради.
2. Умумий тартибда қўзғатилган ишлар юзасидан суднинг чиқарган ҳал қилув қарори, агар унинг устидан шикоят берилган ёки протест келтирилган бўлса, апелляция шикояти бериш ва протест келтиришга берилган йигирма кунлик муддат ўтгандан кейин қонуний кучга кирадиган бўлса, сиртдан чиқарилган ҳал қилув қарори учун бундай муддат ўн беш кун берилганлиги бундай иш юритишнинг хусусияти бўлиб ҳисобланади.
Юқорида баён қилинган ФПКнинг 229-моддаси мазмунига қараганда, сиртдан чиқарилган ҳал қилув қарорига нисбатан жавобгар ўзининг муносабатини ҳал қилув қарорини чиқарган судга ариза билан белгиланган ўн беш кун муддат ичида мурожаат этишга ҳақли эканлигини тушуниш керак. Шу қонуннинг иккинчи қисмига кўра, иш кўришда иштирок этган, даъвогар, учинчи шахслар, вакиллар, прокурор сиртдан чиқарилган ҳал қилув қарори устидан норози бўлсалар, умумий тартибда апелляция шикоятини бериш (протест келтириш) муддати ўтганидан кейин, агар шикоят (протест) берилса, ишни юқори суд кўриб чиққандан кейин қонуний кучга киради.