Ўзбекистон республикаси адлия вазирлиги тошкент давлат юридик институти шорахметов шоакбар шорустамович

118-м о д д а. Арз қилинган талаблардан воз кечилганда ва
келишув битими тузилганда суд
харажатларини тақсимлаш


Даъвогар арз қилган талабларидан воз кечса, унинг харажатларини жавобгар тўламайди. Лекин талаб қўйилгандан сўнг уларни жавобгар ихтиёрий равишда қаноатлантирганлиги натижасида даъвогар ўз талабларидан воз кечган бўлса, суд даъвогарнинг илтимоси бўйича унинг иш юзасидан қилган ҳамма суд харажатларини жавобгардан ундириб беради.
Агар тарафлар келишув битими тузиш вақтида суд хара­жатларини тақсимлаш тартибини назарда тутмаган бўлсалар, суд бу масалани ушбу Кодекснинг 114, 116 ва 120-моддаларига мувофиқ равишда ҳал қилади.


1. Суд фуқаролик ишларини даъвогар томонидан асоссиз қўз­ғатганлиги сабабли даъвогарнинг талабларини рад этган ҳолларда, даъвогарга суд харажатларини жавобгардан ундириб бермайди. Суд даъвогарнинг талаблари бўйича иш қўзғатган бўлса-ю, иш судда кўриш бошланган чоғида жавобгар талабларни ихтиёрий тўлашга рози бўлиб даъвогар билан келишган ҳолларда эса, суд даъвогарнинг талабига кўра барча суд харажатларини жавобгардан ундириб бериш масаласини қўйиши мумкин.
Худди шунга қиёс қилинган ҳолда, агар даъвогарнинг арз қилинган талаблар қисман қаноатлантирилган бўлса, жавобгардан даъвогарга суд қанча қисмини қаноатлантириш тўғрисида ҳал қилув қарори чиқарганлигига қараб тегишли миқдорда ундирилади. Шу тариқа қонунда жавобгарга даъвогарнинг умумий талабидан қанча фоизи рад этилган бўлса, шу қисми ҳисобидан ундириб берилиши назарда тутилган.
2. Суд ишни кўриш жараёнида тарафларга ишда келишув бити­мини тузиш билан тамом қилиш масаласини тушунтириши туфай­ли ёки тарафлар ўзларининг хоҳишлари билан шундай хулосага келсалар ва суд бундай келишувни тасдиқлаган тақдирда суд харажатлари масаласини суд қарорида ҳал этиши лозим бўлади.
Суд харажатларини келишув битими тузилганда қайси тараф­дан (даъвогар, жавобгар) ундириш масаласи ушбу қонунда белги­ланган тартибда ва асосларда ундирилади. Бунинг учун суд ФПКнинг 114, 116, 120-моддаларида берилган қоидаларга амал қилиши керак.