Ўзбекистон республикаси адлия вазирлиги тошкент давлат юридик институти шорахметов шоакбар шорустамович

348²-м о д д а. Кассация шикоятларини (протестларини)
кўрадиган судлар


Қуйидагилар:
1) Қорақалпоғистон Республикаси фуқаролик ишлари бўйича Олий суди, фуқаролик ишлари бўйича вилоятлар ва Тошкент шаҳар судлари – тегишли фуқаролик ишлари бўйича туманлараро, туман (шаҳар) судларининг ҳал қилув қарорлари устидан, Қорақалпоғистон Республикаси фуқаролик ишлари бўйича Олий судининг, фуқаролик ишлари бўйича вилоятлар ва Тошкент шаҳар судларининг ҳал қилув қарорлари устидан берилган кассация шикоятларини (протестларини);
2) Ўзбекистон Республикаси Ҳарбий суди – округ ва ҳуду­дий ҳарбий судларнинг ҳамда Ўзбекистон Республикаси Ҳар­бий судининг ҳал қилув қарорлари устидан берилган кассация шикоятларини (протестларини);
3) Ўзбекистон Республикаси Олий судининг Фуқаролик ишлари бўйича судлов ҳайъати – Ўзбекистон Республикаси Олий судининг ҳал қилув қарорлари устидан берилган касса­ция шикоятларини (протестларини);
4) Ўзбекистон Республикаси Олий судининг Ҳарбий ҳайъ­ати – Ўзбекистон Республикаси Олий суди Ҳарбий ҳайъати­нинг ҳал қилув қарорлари устидан берилган кассация шикоят­ларини (протестларини) кўради.
1. Ушбу шарҳланаётган қонунда қайси бўғин судларига касса­ция тартибида шикоят бериш, протест келтириш мумкинлиги ва ишни кўрадиган судлар ҳақида аниқ кўрсатиб берилган.
Кассация шикояти, кассация протестларини кўрадиган ҳар бир юқори суд ўзларига юклатилган ваколат доирасида кассация ишларини кўриб ҳал этадилар, бироқ бунинг учун фуқаролик иши муқаддам биринчи инстанция судида кўрилган бўлиб, апелляция судида кўрилмаган бўлиши талаб этилади.
Кассация тартибида ишларни кўриш Ўзбекистон Республикаси Олий суди фуқаролик ишлари бўйича судлов ҳайъати ҳамда Ҳарбий ҳайъатларида, фуқаролик ишлари бўйича Қорақалпоғистон Республикаси Олий судида, Фуқаролик ишлари бўйича вилоятлар ва Тошкент шаҳар судларининг ҳайъатларида, Ўзбекистон Респуб­ликаси Ҳарбий судининг ҳайъатида уч нафар судьядан иборат таркибда кўрилади.