Ўзбекистон республикаси адлия вазирлиги тошкент давлат юридик институти шорахметов шоакбар шорустамович

302-м о д д а. Судьянинг аpизани қабул қилганидан
кейинги ҳаpакатлаpи


Судья аpизани қабул қилганидан кейин қуйидагилаp ҳақида ажрим чиқаради:
1) аpиза беpувчининг ҳисобидан маҳаллий газетада эълон чиқариш тўғpисида;
2) тақдим этувчига деб ҳужжат беpган муассасанинг йўқол­ган ҳужжат бўйича тўловлаpни амалга оширишини ва пул беpишини иш судда кўpилгунига қадар тақиқлаш тўғpисида.
Суд ажpимининг нусхаси ҳужжатни беpган муассасага юбоpилади.
Ажpим чиқаpиш pад этилганлиги устидан хусусий шикоят беpилиши ёки хусусий пpотест билдиpилиши мумкин.


1. Судья тақдим этувчига деб берилган ҳужжатлар йўқолган­лиги тўғрисидаги аризани олиши биланоқ қонунчиликда белги­ланган қатор процессуал ҳаракатларни амалга ошириши лозим.
Мазкур қоидада:
- тақдим этувчига деб ҳужжат берган муассаса, масалан, жам­ғарма банкига қўйилган қимматли қоғозлар берилган ҳужжат йў­қолган тақдирда тўловлар ва турли операцияларнинг бажарилиши­ни иш мазмунан ҳал бўлгунга қадар тўхтатиб туриш ҳақида суд ажрим чиқаради ва уни тегишли муассасага юбориши лозим.
Судья томонидан тегишли ҳаракатларнинг ўз вақтида бажарил­маслиги йўқолган ҳужжатлардан инсофсиз шахсларнинг ўз ман­фаати учун фойдаланишга асос бўлади.
Ариза қабул қилинганидан сўнг, ишни судда кўришга тайёргар­лик кўриш учун, судья томонидан дарҳол ҳужжат берган муасса­сага бу ҳужжат бўйича тўловларни амалга оширишни ёки пул беришни тақиқловчи ажрим чиқарилиши ва унинг нусхаси тезда шу муассасага жўнатилиши лозим.
Суднинг пул бериш ва қайтаришга оид ҳаракатларини тақиқ­ловчи талаблари уни бажариши лозим бўлган муассасалар томони­дан бузилганда, бундай муассасалар, суд томонидан йўқолган ҳуж­жатларнинг эгаси деб топилган шахслар олдида нотўғри тўланган тўловларнинг тўлиқ миқдорида ФКнинг 985, 989-моддалари қоида­ларига кўра моддий жавобгар бўладилар.
2. Судья юқоридаги ҳаракатдан кейингина иккинчи ажримни жумладан, тақдим этувчига деб берилган ҳужжатни йўқолганлиги тўғрисида ариза берувчи шахснинг ҳисобидан матбуотда эълон қилиш ҳақида суд актини қабул қилиши мумкин.
Матбуотда эълон қилиниши тақдим этувчига берилган ҳужжат­ни бекор қилиш, ўз кучини йўқотганлиги ҳақида фикр бермайди. Тақдим этувчига деб берилган ҳужжат йўқотилганда уни суд маж­лисида мазмунан кўриб ҳал этилгандан сўнггина бекор қилинган ҳисобланади.