Ўзбекистон республикаси адлия вазирлиги тошкент давлат юридик институти шорахметов шоакбар шорустамович

303-м о д д а. Матбуотда чиқариладиган эълоннинг мазмуни


Матбуотда чиқариладиган эълонда қуйидагилаp кўpсати­лиши лозим:
1) ҳужжат йўқолганлиги ҳақида аpиза тушган суднинг номи;
2) аpизачининг фамилияси, исми, отасининг исми ва яшайдиган жойи:
3) ҳужжатнинг номи ва алоҳида белгилаpи;
4) йўқолганлиги ҳақида ариза берилган ҳужжатни сақлов­чига эълон чиққан кундан эътиборан уч ой муддат ичида ўзининг мазкур ҳужжатга бўлган ҳуқуқлаpи тўғpисида судга аpз қилиши ҳақидаги таклиф.


1. Тақдим этувчига деб берилган ҳужжатларнинг йўқолиши муносабати билан қонунда белгиланган тартибда мутбуотда чиқариладиган эълон муҳим аҳамиятга эга. Айрим ҳолларда судлар томонидан бериладиган эълонлар аниқ бўлмаганлиги туфайли кўп қийинчиликларни вужудга келтиради. Матбуотда эълон қилишдан мақсад тақдим этувчига деб берилган ҳужжатни сақловчилар томо­нидан эълонга нисбатан дарҳол ўзининг муносабатини билдириш­лариши ҳисобланади.
Шунинг учун матбуотда эълон чиқаришда йўқолган ҳужжат­нинг аниқ бўлиши учун қайси судда ва қайси вақтда аризанинг кўрилиши, ариза берувчи ҳақидаги маълумотлар, уларнинг қайси муддат ичида судга мурожаат этишга ҳақли эканлиги ва йўқолган ҳужжатга бўлган ҳуқуқлари тўғрисида судга арз қилиши мумкин­лиги ва бошқалар кўрсатилиши керак.
2. Тақдим этувчига деб берилган ҳужжатлар йўқолган тақдирда улар бўйича ҳуқуқларни тиклаш ҳақидаги ишларнинг ўзига хос хусусиятларидан яна бири шуки, қимматли қоғозни сақлаб турувчи шахс номаълум бўлиши сабабли суд ўз ажрими билан уни топиш мақсадида шу ҳақда эълон беради. Бундан ташқари йўқолган ҳужжат бўйича тўловларни тақиқлайди.
Йўқолган қимматли қоғоз (ҳужжат) бўйича чақириб иш юритиш ҳақида ҳужжатни сақлаб турувчи шахс матбуотда эълон қилиниши туфайли хабардор бўлади.
3. ФПКда тақдим этувчига деб ҳужжат берган муассасанинг йўқолган ҳужжат бўйича тўловларни амалга оширишни ва пул беришни иш судда кўрилгунга қадар тақиқлаш тўғрисидаги ажрим устидан хусусий шикоят бериш, хусусий протест келтириш, ҳақида ҳеч қандай фикр билдирилмаган. Назаримизда, манфаатдор тарафга бундай ҳуқуқни берилиши инсон манфаатларига мос келадиган тадбир бўлиб ҳисобланади.