Ўзбекистон республикаси адлия вазирлиги тошкент давлат юридик институти шорахметов шоакбар шорустамович

208-м о д д а. Ҳал қилув қарорини ижро этиш тартиби ва
муддатини белгилаш, ҳал қилув қарорининг
ижросини таъминлаш


Суд ҳал қилув қарорини ижро этишнинг муайян тартиби ва муддатини белгиласа ёки ҳал қилув қарори дарҳол ижро этилишини зарур деб топса ёхуд унинг ижросини таъминлаш чораларини кўрса, бу ҳақда ҳал қилув қарорида кўрсатилади.


1. Суд ҳал қилув қарорининг хулоса қисмида уни ижро этиш тартибини, яъни ҳал қилув қарорини ижро қилиш усули ва муд­датини ҳам кўрсатади.
Демак, суд ҳал қилув қарорини чиқаришда кўрилган асосий ма­салалар билан бир қаторда ҳал қилув қарорини ижро этиш тартиби ва муддати билан боғлиқ масалани ҳал қилишига тўғри келади.
Суд ҳал қилув қарорининг қонуний кучи шундагина намоён бўлади, агар уни ижро қилиш тартиби, услуби кўрсатилмаган бўлса, бундай ҳал қилув қарори ҳеч қандай кучга эга бўлмайди.
Шунинг учун ҳам қонун ҳал қилув қарорини ижро қилиш тартиби ва муддатини белгилаш ҳақида судга ҳуқуқ беради. Маса­лан, ҳал қилув қарорини ижро этишнинг муайян тартиби ва муд­дати ҳақида Ўзбекистон Республикаси Олий судининг Пленуми қарорларида эътибор берилганлигини кўрамиз, жумладан “Суд амалиётида фуқаро ва ташкилотларнинг шаън, қадр-қиммати ва ишчанлик обрўсини ҳимоя қилиш ҳақидаги қонунларнинг қўллаш тўғрисида”ги 1992 йил 19 июндаги Пленум қарорида ва унга киритилган ўзгартириш ва қўшимчаларга кўра, агар иш юзасидан даъво қаноатлантирилган тақдирда, суд ҳал қилув қарорининг хулоса қисмида ҳақиқатга тўғри келмайдиган маълумотларга рад­дия бериш усуллари кўрсатиш шартлиги, раддия айнан шу ҳақиқатга зид маълумотни босиб чиқарган рўзномалар ёки бошқа оммавий даврий нашрда эълон қилиниши лозимлиги, суд ҳал қилув қарорида бериладиган раддия матнини баён қилиш ва у эълон қилинадиган муддатни кўрсатиши, ҳақиқатга тўғри келмайдиган маълумотлар ташкилотлар томонидан берилган ҳужжатларда бўлса, суднинг ҳал қилув қарорига асосан ташкилот бундай ҳуж­жатни алмаштириб бериши шартлиги баён қилинган.
Булардан ташқари, суд ҳар бир ишнинг аниқ ҳолатларидан келиб чиқиб, жавобгарга кўпчилик олдида кечирим сўраш, тарқа­тилган маълумотларни нотўғри эканлигини йиғилишда эълон қилиш, даъвогарни бадном қилувчи маълумот ҳабар қилинган таш­килотга раддия ёзиб юбориш мажбуриятини юклатиши мумкинли­ги ҳақидаги масалалар ўз ифодасини топиш каби усуллар кўрса­тилиши лозим¹.