«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Давлат божхона органларининг ҳуқуқий мақомини айтиб беринг.

Жавоб: Ўзбекистон Республикаси Давлат божхона қўмитаси, Давлат божхона қўмитасининг Қорақалпоғистон Республикаси, вилоятлар, Тошкент шаҳри бўйича бош-қармалари, божхона комплекслари ва божхона постларидан иборат бўлган божхона органлари ҳуқуқни муҳофаза қилувчи органлардир. Улар Ўзбекистон Республикасининг ягона божхона сиёсатини амалга оширишга масъулдирлар. Божхона органларининг асосий мақсади мамлакатимиз иқтисодий манфаатларини ҳимоя қилишдан иборатдир.

186. 
     Ўзбекистон республикаси Адлия вазирлиги қандай орган?
     

Жавоб: «Адлия» сўзи арабчада «адолат, тўғрилик, ҳаққонийлик» маъноларини билдиради. Адлия вазирлиги – ҳуқуқий демократик давлат ва фуқаролик жамиятиқуришда давлат сиёсатини, қонунларни ишлаб чиқишни сифатли ташкил этиш,ҳуқуқий нормаларни ҳаётга тўғри ва бир хил қўллашни амалга оширувчи давлат органидир.

187. 
     Адлия органлари тизимини айтиб беринг.
     

Жавоб: Адлия органлари фаолиятига Адлия вазири раҳбарлик қилади. У Ўзбекистон Республикаси Вазирлар Маҳкамасининг тақдимига биноан Ўзбекистон Республикаси Президенти томонидан тайинланиб, ҳукумат аъзоси ҳисобланади.
Мамлакатимиз адлия органлари тизими қуйидагича кўринишни олади: Ўзбекистон Республикаси Адлия вазирлиги; Қорақалпоғистон Республикаси Адлия вазирлиги; вилоятлар адлия бошқармалари; Тошкент шаҳар адлия бошқармаси; туман (шаҳар) адлия бўлимлари.

188. 
     Адлия органларининг асосий вазифаларини санаб беринг.
     

Жавоб: Адлия органларининг асосий вазифалари қуйидагилардан иборат: қабул қилинган қонунлар, бошқа норматив-ҳуқуқий ҳужжатларнинг мазмуни, аҳамиятини ижрочиларга етказиш, «республика–вилоят–туман–маҳалла» принципи бўйича ҳуқуқни муҳофаза қилувчи ва суд органлари билан биргаликда ҳуқуқий тарғиботни амалга ошириш ва аҳолининг ҳуқуқий саводсизлигига барҳам бериш; Конституция ва қонунлар билан мустаҳкамланган инсоннинг ҳуқуқ ва эркинликларини ҳимоя қилишни таъминлаш; ҳуқуқий муаммоларни ўрганиш ҳамда ҳуқуқий ҳужжатлар ижросини таъминлаш; сиёсий партияларни рўйхатга олиш; жисмоний ва юридик шахсларга ҳуқуқий хизмат кўрсатишни таъминлаш, нотариал идораларни, нотариус лавозимини ташкил этиш ва тугатиш, нотариуслар малакасини ошириш, уларни аттестациядан ўтказиш тартибини белгилаш; адвокатлик тузилмалари ва Ўзбекистон Республикаси Адвокатлар палатаси фаолиятини ташкил этиш, адвокатларга лицензия бериш; юридик кадрларни тайёрлаш, қайта тайёрлаш ва малакасини оширишни ташкил этиш ишларни амалга ошириш.

189.