«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Давлат хавфсизлик хизмати тизимидаги ислоҳотлар ҳақида нималарни биласиз?

Жавоб: Ўзбекистон Республикаси Президенти Шавкат Мирзиёевнинг 2018 йил 14 мартдаги «Ўзбекистон Республикасининг давлат хавфсизлик тизимини такомиллаштириш чора-тадбирлари тўғрисида»ги фармони билан Ўзбекистон Республикаси Миллий хавфсизлик хизмати Ўзбекистон Республикаси Давлат хавфсизлик хизматига айлантирилди. Бунда ҳар қандай, ҳатто кичик кўламдаги муаммо ҳам мамлакатнинг миллий хавфсизлигига даҳли бордек бу махсус хизмат масалалари доирасига киритилиши ва унинг ваколатларини ҳаддан ташқари кенгайтириб юборилишига йўл қўймаслик фармонда назарда тутилган муҳим жиҳатлардандир. Давлат хавфсизлик хизмати давлат аҳамиятидаги ҳақиқий таҳдидларнигина ўз ваколат доирасида деб қараши ҳамда уларнинг олдини олиш, аниқлаш ва уларга қарши курашишни ўзининг мақсад ва вазифасига айлантириши бу фармонда белгилаб қўйилган. Яъни, ушбу фармон хавфсизлик хизмати соҳасидаги туб ислоҳотларга асос солди деб айтса бўлади.

183. 
     Давлат солиқ тизимидаги ислоҳотлар тўғрисида нималарни биласиз?
     

Жавоб: Ўзбекистон Республикаси Давлат солиқ қўмитаси давлат бошқаруви органи бўлиб, солиқ соҳасидаги қонун хужжатларига риоя қилинишини, давлатнинг иқтисодий манфаатлари ва мулкий ҳуқуқлари ҳимоясини таъминлаш бўйича назоратни йўлга қўйиш унинг асосий фаолият мақсадларидандир. Мамлакатимизда амалга оширилаётган солиқ ислоҳотлари натижасида 2019 йил 1 январдан бошлаб янгиланган, халқаро тажрибани эътиборга олган ҳолда яратилган солиқ тизими амалга киритилди. Бунда солиқлар сони камайтирилди, соддалаштирилди. Солиқ тўловчилар учун солиқ юки бирмунча енгиллаштирилди.

184. 
     Давлат солиқ қўмитаси нинг асосий вазифаларини айтинг?
     

Жавоб: Давлат солиқ қўмитасининг асосий вазифалари қуйидагилардир: солиқ соҳасида давлат сиёсатини амалга ошириш; солиқларнинг тўғри ва ўз вақтида ҳисобланиши, тўланиши ва давлат бюджети ҳамда давлат мақсадли жамғармаларига тушишини таъминлаш; солиқ солиш объектлари ва субъектларининг тўлиқ ва аниқ ҳисобини юритиш; солиқ солинадиган базани кенгайтириш, солиқларнинг йиғилувчанлигини ошириш, солиқ соҳасидаги ҳуқуқбузарликларга қарши курашиш бўйича чора-тадбирларни амалга ошириш. Шу ва шунга ўхшаш вазифаларни бажаришда Давлат солиқ қўмитаси Солиқ кодексига оғишмай амал қилади.

185.