Ўзбекистан темир йўллари

ЭЛЕКТР ЖЕЗЛЛАР ТИЗИМИ НОСОЗЛИГИДА ПОЕЗДЛАР

ҲАРАКАТИ ВА ЖЕЗЛ АППАРАТЛАРИДА ЖЕЗЛЛАР МИҚДОРИНИ
БОШҚАРИШНИ ТАРТИБГА СОЛИШ


127. Электр жезл тизими қуйидаги ҳолатларда носоз ҳисобланади:
а) перегон бўш бўлган ҳолатда жезлни аппаратга киритиш ёки аппаратдан чиқаришнинг иложи бўлмаса;
б) йўқотилганлиги оқибатида перегонга тегишли жезл бўлмаса;
в) жезл аппаратида ёки индукторда пломбалар бўлмаса;
г) индуктор дастаги тескари томонга (якорь билан бирга) айланиш эҳтимоли бўлса;
д) қўшни станция ток юбормаганда ҳам жезл аппарати амперметрининг стрелкаси ўйнаса ёки қўнғироқ жирингласа.


128. Барча кўрсатилган ҳолатларда, шунингдек, жезл аппаратларини таъмирлаш, кўчириш, алмаштириш пайтларида электр жезл тармоғидан фойдаланиш тақиқланади ва поездлар ҳаракати телефон алоқаси орқали амалга оширилади.
Поездлар ҳаракат вақтида алоқанинг бошқа турига ўтиш, шунингдек, алоқанинг асосий турини тиклаш, поезд диспетчерининг олдиндан бошқа станциялар навбатчилари орқали перегоннинг бўшлиги ва аппаратларда жезлларнинг мавжудлигини текширгандан сўнг амалга оширилади.
Жезл телефон алоқаси носоз бўлиб, жезл аппаратларининг созлигида, поездлар ҳаракати электр жезл тармоғи бўйича, сўзлашувлар эса поезд диспетчерлик алоқаси орқали амалга оширилади.
СЦБ электромеханиги жезл аппаратларини кўрикдан ўтказаётганда, электр жезл тармоғи фаолиятини тўхтатиш талаб этилмайди.


129. Поезд диспетчерлик алоқаси бузилганда, станция навбатчиси, электр жезл тармоғининг носозлигини аниқлаб, бу хақда кўрик журналига ёзув киритади ва қўшни станция навбатчисига қуйидаги поезд телефонограммасини узатади:


«Жезл тармоғи бузуқ. Сизлардан охирги бўлиб №____ поезд етиб келди. Сизларга охирги бўлиб №____ поезд жўнатилган. Менда ___ дона жезл бор. Телефон алоқасига ўтишингизни сўрайман (имзо)».


Қўшни станция навбатчиси хабар қилинган ва ўзидаги маълумотларга кўра жезллар миқдорини текширади ва иккала аппаратдаги жезллар йиғиндиси жуфт бўлса, жавоб беради: