Ўзбекистан темир йўллари

ПОЕЗД ТЕЛЕФОНОГРАММАЛАРИ
ЖУРНАЛИНИ ЮРИТИШ ТАРТИБИ


142. Поездлар телефон алоқаси бўйича ҳаракатланганда, ҳар бир станцияда поезд телефонограммалари журнали юритилади.
Поезд телефонограммалари журнали бўйича исталган ҳар бир пайтда тегишли перегоннинг (ёки перегоннинг йўли) бўш ёки банд эканлиги яққол кўриниши керак.


143. Бир йўллик перегонларни чегараловчи станцияларда битта журнал тутилади. Журналнинг чап бетларида бир перегонга, ўнг бетларида эса - иккинчи перегонга тааллуқли бўлган телефонограммалар ёзилади.
Бир йўллик перегонларни чегараловчи берк йўлдаги станцияларда поезд телефонограммалари бетларга бўлинмасдан кетма-кет тартибда ёзилади.


144. Икки йўллик перегонларни чегараловчи станцияларда ҳар бир перегон учун алоҳида, иккита поезд телефонограммалари журнали юритилади: ҳар бир журналнинг чап бетларида тоқ йўналишдаги поездлар, ўнг бетларида эса - жуфт йўналишдаги поездлар учун телефонограммалар ёзилади.
Поезд икки йўллик перегонда нотўғри йўлдан жўнатилса, тоқ йўналишдаги поездлар учун телефонограммалар журналининг ўнг бетларида, жуфт йўналишдаги поездлар учун эса, журналнинг чап бетларида ёзилади.
Икки йўлнинг перегонниниг асосий йўлларидан бирида ҳаракатланувчи поездлар хақидаги барча телефонограммалар ҳамма ҳолларда журналнинг перегоннинг ушбу асосий йўлига тегишли бўлган бир варағида ёзилади.
Станцияга уч ёки ундан ортиқ йўналиш туташган бўлса, ушбу йўналишлардаги туташган ҳар бир перегон учун поезд телефоно-граммаларининг алоҳида журнали юритилади.


145. Барча поезд телефонограммалари журналда шахсан станция навбатчиси ёки оператор томонидан фақат сиёҳ билан ёзилиши шарт.
Чиқиш телефонограммалари шахсан станция навбатчиси томонидан имзоланиши лозим.
Оператор ҳар бир кириш телефонограммасини ёзгандан сўнг, ўқиши ва имзолаши учун дарҳол станция навбатчисига тақдим қилиши керак.
Поезд телефонограммалари журналига ёзув вақтини қисқартириш мақсадида, ДАТК ташишларнни ташкил қилиш бошқармаси бошлиғининг фармойиши билан поезд телефонограммалари матни туширилган махсус штамплар қўлланиши мумкин.


146. Чиқиш поезд телефонограммалари Тошкент вақти бўйича ноль соатдан бошлаб сутка мобайнида (биринчи номердан бошлаб) ҳар бир перегон учун алоҳида олиб борилади. Сигнализация ва алоқанинг асосий воситалари ҳаракати тўхташи натижасида телефон алоқасига ўтилган пайтдан бошлаб, чиқиш телефонограммалари биринчи номердан юритилади. Асосий алоқа ва сигнализация воситаларининг сутка мобайнида такроран узилишлари ва телефон алоқасига ўтиш пайтида, биринчи ўтишда бошланган жўнатилаётган телефонограмманинг кетма-кетлик номерланиши сақланиб қолади.
Кириш телефонограммалари журналга уларни жўнатган станция қўйган номер бўйича ёзилади.


147. Поезд телефонограммаларида тузатиш ва қўшимчалар киритиш, уларни бўяш ман этилади. Ҳато ёзилган чиқиш поезд телефонограммаси устидан хоч шаклида чизилади ва тагига "Хақиқий эмас" деб ёзилади. Ушбу телефонограмма номерланмайди ва қўшни станцияга жўнатилмайди.


148. Станция навбатчилари ва операторлари навбатчиликни қабул қилиб, топшираётганларида поезд телефонограммалари журналида қуйидаги шалда қайд киритади: