Ўзбекистан темир йўллари

ИККИ ЙЎЛЛИК УЧАСТКАЛАРДАГИ ПОЕЗДЛАР
ҲАРАКАТИДА ТЕЛЕФОНОГРАММАЛАР ШАКЛИ


160. Икки йўллик перегонларда поездлар қабул қилинганда ва жўнатилганда телефонограммалар 3 ва 4-шаклларда жўнатилади, бунда қабул қилиш станциясидан 4-шакл бўйича олинган хабар шу йўналишда кейинги поездни жўнатишга хуқуқ беради. Поездлар сурувчи локомотивлар билан ҳаракатланганда 3 ва 4-шаклларга бундай ҳолатлар учун ушбу йўриқноманинг 153 бандида кўрсатилган матн қўшилади.


161. Поезд хабар узатиш станциясидан тўхтамасдан ўтганда, унинг келиши ва жўнаши тўғрисида қўшни станцияларга 11-шакл бўйича хабар юборилади.


162. Икки йўллик перегондаги йўл постлари мавжуд бўлса, жўнатиш станциясининг навбатчиси поезд жўнатилганлиги хақида пост навбатчисини 3-шакл буйича огоҳлантиради.
Пост навбатчиси постлараро кейинги перегон поездлардан бўш бўлса, кириш сигналини очиб, машинистга йўл хати (коғози)ни ҳаракат вақтида тақдим этган ҳолда поездни тўхтатмасдан ўтказиб юборади.
Поезд ўтгандн cўнг пост навбатчиси кириш сигналини ёпади ва иккала қўшни станция навбатчилари поезд ўтгани тўғрисида 11-шакл бўйича хабар етказади.
Олдиндаги постлараро перегон банд бўлганда, келаётган поезд ёпиқ кириш светофори олдида перегон бўшагунча тўхтатилади. Ушбу поезд жўнатилганлиги тўғрисидаги телефонограмма орқадаги станцияга, у постдан жўнатилгандан сўнггина узатилади.
Поезд келганлиги тўғрисида келиш станциясининг навбатчиси пост навбатчисига 4-шакл бўйича хабар беради.
Йўл постидаги кириш сигналининг носозлигида олдиндаги перегон бўш бўлганда, пост навбатчиси поездни бевосита кириш сигнали олдида кутиб олади ва ҳаракатни давом эттириш хуқуқини берувчи йўл хати (коғози)ни машинистга тақдим этади. Йўл хати (коғози)нинг тепасида «Кириш сигнали носоз" деган белги қўйилади.


163. Поезд ортига қайтадиган бўлиб тўғри йўлдан жўнатилганда жўнатиш станциясининг навбатчиси қўшни станция (йўл пости) га «___ км дан ортига қайтадиган бўлиб» сўзлари қўшилган 3-шаклдаги телефонограмма билан хабар етказади, поезднинг қайтиши тўғрисида эса қўшни станция (йўл пости) га 7-шакл бўйича хабар қилинади.
Жўнатилаётган поезд машинистига матни «____ км дан ортига қайтадиган бўлиб" сўзлари билан тўлдирилган йўл хати (қоғози) тақдим этилади.
Жўнатилган станцияга қайтаётган поездлар перегонда йўл постлари мавжуд бўлса уларни тўхтамасдан босиб ўтадилар. Қайтаётган поезд ўтгани тўғрисида ҳам пост навбатчиси олдиндаги пост ёки станцияга 7-шакл бўйича хабар беради.


164. Станциялараро перегонинг алоҳида пункти бўлган постда туташув мавжуд бўлса, поездлар тўғри йўл бўйлаб станциядан туташувга ва туташувдан станцияга одатдаги тартибда жўнатилади. Поезд жўнатилганлиги тўғрисида станция ёки пост навбатчиси 3-шакл бўйича, келганлиги тўғрисида 4-шакл бўйича телефонограмма узатади.
Туташувга ёрдамчи пост хизмат кўрсатса, у фақат туташувга бораётган ёки туташувдан қайтаётган поездлар ҳаракати тўғрисидаги сўзлашувларда иштирок этади. Поезд туташувга жўнатилгани тўғрисида қўшни станция ва постга 3-шакл буйича «___ км даги постга» сўзларини қўшиб хабар қилинади.
Туташув стрелкаси нормал ҳолатга ўтказилгандан сўнг поезд келганлиги тўғрисида пост навбатчиси иккала станция навбатчиларига 4-шакл бўйича хабар етказади. Ёрдамчи пост хизмат кўрсатадиган туташувдан қўшни станциялардан бирига поезд ушбу Йўриқноманинг 158 пунктида кўзда тутилган тартибда жўнатилади.


165. Поезд регулировка тартибида (поезд диспетчерининг буйруғи олингандан сўнг) нотўғри йўлдан жўнатилганда станциялар ўртасида қуйидаги шаклдаги телефонограммалар билан алмашинади: