Ўзбекистан темир йўллари

ПОЕЗДДАРНИ ҚАБУЛ ҚИЛИШ ВА ЖЎНАТИШ

110. Поезд келишидан олдин станция навбатчиси уни қабул қилиш учун аввалдан маршрут тайёрлайди ва кириш сигналини очади. Поезд станцияга келганидан сўнг жезл станция навбатчисига топширилади. Станция навбатчиси поезд тўлиқ таркибда келганлигига ишонч ҳосил қилиб ва жезлни босиб ўтилган перегонга тегишли эканлигини текширгандан сўнг, жезл номерини поездлар ҳаракати журналига ёзиб қўяди, жезлни жезл аппаратига солади ва поезд етиб келганлиги хақида жўнатган станцияга телефон орқали хабар қилади.
Жезл аппаратлари стрелкали пост хоналарида ўрнатилган станцияларда келган поезднинг жезли стрелкали пост навбатчисига берилади. Стрелкали пост навбатчиси поезд тўлиқ таркибда етиб келганлигига ишонч ҳосил қилиб, уни аппаратга солади ва унинг номерини поездлар ҳаракати журналига ёзилиши учун станция навбатчисига етказади.


111. Сурувчи локомотивли поезд етиб келганидан сўнг станция навбатчиси жезлнинг биринчи қисмини поезд локомотиви машинистидан, иккинчи қисмини сурувчи локомотив машинистидан олиб, иккала қисмини бураб бириктириши ва жезлни шундан сўнг жезл аппаратига солиб қўйиши шарт.


112. Поездни жўнатиш учун станция навбатчиси поезд жўнаб кетаётган станция навбатчисининг розилигини телефон орқали қуйидаги шаклда сўрайди:


«№ _____ поездни жўнатишим мумкинми?».


Поездни қабул қилишга тўсиқ бўлмаса станция навбатчиси телефон орқали ўз розилигини қуйидаги шаклда маълум қилади:


«№ ____ поездни кутяпман», -


ва жезлни чиқаришга рухсат беради.
Жўнатиш станциясининг навбатчиси жезлни аппаратдан чиқарганидан сўнг унинг номерини поездлар ҳаракати журналига ёзиб олиши ва жўнаб кетаётган поезд машинистига тақдим этиши лозим.
Жезл аппаратлари стрелкали постларга чиқарилган станцияларда стрелкали постнинг навбатчиси чиқарилган жезл номерини станция навбатчисига етказади.
Агар станция навбатчилари етиб келган поезднинг жезли билан (жезл аппаратидан ўтказмасдан) қарама-қарши йўналишда кетаётган поездни жўнатишга аввалдан келишиб олган бўлсалар, ҳар икки станциянинг поездлар ҳаракати журналида ушбу поезднинг номери тўғрисида қуйидаги белги киритилиши керак: