Замонавий қурилиш материаллари, буюмлари ва технологиялари

Шишаблоклар

Шишаблоклар бу икки прессланган шиша пластинани (ярим блокларни) бириктириб ичи бўш герметик ёпиқ қилиб тайёрланган махсулотдир.
Улардан ваннахоналарнинг деворлари, хоналар орасидаги пардеворларни, деворларда декоратив элементлар ва бошқаларни қуришда фойдаланилади.
Шишаблокларнинг ҳар бир яримталик бўлагини қалинлиги 6-7 мм қилиб тайёрланади. Шишаблокларнинг юзаси текис, тарам-тарам ботиқ ёки бўртма чизиқли, шаффоф, хира ва рангли бўлиши мумкин. Ана шулардан келиб чиқиб улар тиниқ (юзалари текис), нур тарқатувчи ва нур йўналтирувчи (тарам-тарам ботиқ ёки бўртма чизиқли шишаблоклар) турларга бўлинади.
Қалинлиги 7,5 дан 10 см гача бўлган шишаблокларни кўп учратиш мумкин. Бор дона шишаблокнинг вазни 2,5 дан 4,3 кг гача бўлиши мумкин. Одатда уларнинг шакли тўғри тўртбурчак ёки квадрат бўлиши мумкин. Замонавий шишаблокларнинг ўлчами 19 × 19 × 8 см ёки 24 × 24 × 8 см га тенг (20 расм). Бундан ташқари шишаблоклар зарур холларда учбурчак, бурчакли ва думалоқ шаклда ҳам ишлаб чиқарилиши мумкин.

20-расм. Шишаблокларнинг турлари

Ҳозирги вақтда шишаблоклар механизациялаштирилган линияларда ишлаб чиқарилади. 21-22 расмларда шишаблокларни териш ва уларнинг интерьердаги кўриниши келтирилган.

	21-расм. Шишаблокларни териш

22-расм. Шишаблок териб безатилган интерьер