Юқори молекуляр бирикмалар, уларнинг тавсифи

5. Ион-координацион полимерланиш. Стереорегуляр полимерлар
Икки ёки уч компонентли ион комплекслар таъсирида мономерларнинг полимерланиб стереорегуляр тузилишга эга бўлган юқоримолекуляр бирикмалар ҳосил қилиш жараёни ион координацион полимерланиш дейилади. Ион координацион комплексларининг мономер молекуласи билан ўзаро таъсирлашуви натижасида қутбланган мономер гетеролитик парчаланиб актив марказ, қутбланган-мономер комплексни ҳосил қилади. Ион-координацияси тузилишга эга бўлган юқори даражада фаол махсус католизаторларни Циглер ва Натта католизаторлари дейилади. Улар даврий системадаги I-III группа металларининг алкил ҳосилалари IV-VIII группаларидаги d-металларнинг ҳосилалари билан ҳосил қилган комплекс бирикмалардир.Бундай махсус фазовий тузилишга эга бўлган католизатор таъсирида диен углеводородлар ва олефинлар паст ҳароратда ҳам катта тезликда полимерланиб, макромолекула занжири қатъий тартибли фазовий тузилишга эга бўлган полимерлар ҳосил қилади. Буларга мисол қилиб ҳозирги пайтда углеводородлардан олинадиган ва кўп қўлланилаётган изопрен, бутадиен каучукларини келтириш мумкин. Олефинлардан олинадиган полимерларга мисол қилиб полипропилен полимерини олиш мумкин. Полипропилен стереорегуляр полимеридан махсус ленталар мустаҳкамликга эга. Булардан денгиз кемалари учун канатлар олинади. Саноатда қўлланиладиган бундай католизаторлардан энг кўп тарқалгани алюминий органик бирикмасининг титан хлорид билан ҳосил қилган комплексидир: бу комплекс ҳосил бўлишини қуйидаги схема билан ифодалаш мумкин:
1. Гомополимерлар ва сополимерлар.
Икки ёки ундан ортиқ тур мономерларнинг биргаликда полимерланиш жараёни сополимерланиш жараёни дейилади. Ҳосил бўлган юқори молекулали бирикмалар сополимерлар деб аталади. Макромолекуланинг таркиби фақат бир хил мономер молекула буғинларидан ташкил топган полимерлар гомополимерлар дейилади.
Сополимерларнинг физикавий хоссалари асосан мономерларнинг
табиати, уларнинг нисбати ва занжир бўйлаб жойланиши бўйича аниқланади. Сополимерлар статистик блок ва пайванд сополимерларга бўлинади.