Юқори молекуляр бирикмалар, уларнинг тавсифи

3. Радикал полимерланиш
Полимерлар ҳосил қилишнинг энг қулай усулларидан бири инициаторлар иштирокида полимерланишдир. Полимерланиш жараёни-нинг тезлаштира оладиган моддалар инициаторлар дейилиб, улар иштирокидаги полимерланиш радикалли полимерланиш дейилади. Инициаторларнинг аҳамияти уларнинг юқори бўлмаган ҳарорат, нур, механик ва бошқа таъсирлар ёрдамида осон парчаланиб, актив эркин радикаллар ҳосил қилишадилар. Уларнинг эркин радикалларга парчаланиши нисбатан кам энергияни талаб этади ва реакцион муҳитда тез актив марказлар ҳосил қилиб жараённи тезлаштиради. Кўпгина бундай химиявий актив моддалар ўртасида молекуласи таркибида пероксид, гидропероксид ҳамда азо ва диазо группалари бўлган органик бирикмалар катта аҳамиятга эга. Масалан бензил пероксиди 80-95⁰ С даража ҳароратида парчаланиб, икки молекула (CO₂) карбонат ангидридини ажратиб иккита радикал ҳосил қилади.
С ₆Н₅ -С-О-О-С-С₆ Н₅ ----->2C₆ Н₅ СОО^*---->2С₆ Н₅ ^*+2СО₂
Азобирикмалардан азо- бис изобутиронитрил ҳам нисбатан паст ҳарорат таъсирида (50-70 ⁰С) ўзидан бир молекула азот ажратиб, иккита актив эркин радикал ҳосил қилади.

CH₃ CH₃ CH₃

| | |
NC - C - N = N - C - CN -----> 2NC – C^*- + N₂
| | |
CH₃ CH₃ CH₃
Умумий ҳолатда олганда R-R---->2 R^* , яъни R^* жуфтланмаган актив электронга эга бўлган атом ёки атомлар группаси радикал деб аталади.
4.2. Катионли полимерланиш
Катионли полимерланиш кучли кислоталар ва Фридель-Крафтс католизатори иштирокида боради, бундай католизаторлар электронларнинг кучли акцепторлари ҳисобланади Фридель-Крафтс католизаторларининг полимерланиш жараёнларидаги нисбий активлигини қуйидагича ифодалаш мумкин:
ВF₃ > ALBr₃ > TiBr₃ > BCL₃> BBr₃ > SпCL₄ Катионли полимерланиш реакциясига кириша оладиган мономерларнинг бирор углерод атоми электронодонор (электро мусбат) хусусиятли ўринбосар атомлар ёки группалар билан богланган бўлади. Бундай мономерларга мисол қилиб, изобутилен, оддий винил эфирлари, стирол кабиларни кўрсатиш мумкин.Катионли полимерланиш жараёнининг назарий қонунлари бирмунча яхши ўрганилган. Реакциянинг тезлиги полимерланиш муҳитининг диэлектрик доимийсига боғлиқ бўлади. Катионли полимерланишнинг асосий хусусиятларидан бири шуки, ҳарорат пасайиши билан реакциянинг тезлиги ортиб боради.Минерал кислоталар ва уларнинг электрон-акцептор тузлари иштирокида содир бўлувчи катионли полимерланиш реакциясини қуйидаги умумий формула билан ифодалаш мумкин.Бунда ҳосил бўлган катион мономер молекуласи билан бирикиб, занжирни узунлаштиради ва ўзининг мусбат зарядини кейинги бириккан мономер молекуласига узатади:Демак, ионли полимерланишда занжир радикали полимерланишдагидан фарқ қилиб, бирор водород атомининг ажралиши натижасида узилади. Катионли полимерланишни паст ҳароратда амалга ошириш учун баъзи вақтларда мономернинг активланиш энергиясини камайтирувчи моддалар - сокатолизаторлар ишлатилади. Сокатолизаторлар сифатида сув ва минерал кислоталар ишлатиш яхши натижа беради. Бунда католизатор билан сокатолизатор ўзаро реакцияга киришиб, водород протони ажралиб чиқади ва протон мономер молекуласи