Xalqaro xususiy huquq

Mavzuning o‘rganilganlik darajasi. Bugunga kunga qadar va ayni damda mamlakatimizda, qolaversa, xorijiy mamlakatlarda hozirgi zamon xalqaro huquqi nazariyasida xalqaro tijorat arbitraji va undagi nizolarni hal etish, arbitraj jarayonida arbitrlarning roli va ahamiyati to‘g’risida bir qator ilmiy-nazariy hamda amaliy tadqiqotlar olib borilmoqda. Bundan tashqari, ushbu olib borilgan izlanish natijalari amaliyotga keng tatbiq etib kelinmoqda. Biroq, xalqaro tijorat arbitraji bilan bog’liq masalalarning turli xil jihatlari huquqshunoslar xalqaro huquqda Ben Boroski, Pol Xeyg, Jan LaVio-lette, Anna Vudvort, Aron Sybert-Lera, Bretaniy Kubes, Metyu Levitt, Kevin Xarris, Margaret L. Mozes, Erik Shvartz, Luiz Barrington, Joez Rozel, Pierre Karrer, Kloudi Kalin, Jak Joe, Diana Droulers, Guido Gardukki, Sarax Franchoiz-Ponset, Jinjou Tao, Dvid Vagoner va Kristofer Seppala, Larriy Sxanerlar tomonidan va mamlakatimizda esa xalqaro arbitr Islombek Rustambekov, M.Talipova va boshqalar tomonidan o‘rganilmoqda. Ammo bu tadqiqotlar yetarlicha emasligini bugungi kunning xalqaro tijorat munosabatlari isbotlamoqda. Shuning uchun bu borada hali beri tadqiqotlar olib borish o‘z yakuniga yetmaydi.
Bitiruv malakaviy ishining asosiy maqsadi. Xalqaro tijorat arbitrajidagi jarayonlarni tadqiq qilish, arbitrajning afzalliklari va kamchiliklarini aniqlash, xususan, xalqaro tijorat nizolarini hal etish usullarini tahlil etish, ushbu usullarning bir-biridan farqini tahlil etish, xalqaro tijorat arbitraji borasidagi xorijiy tajribalarni o‘rganish, arbitraj jarayonlarida arbitrlarning roli va ahamiyatini tushunish, arbitrlarga qo‘yiladigan malakaviy talablar nimalardan iborat ekanligini aniqlash, arbitrlarning vakolatlari va majburiyatlarini chuqur o‘rganish, O‘zbekiston Respublikasida ushbu sohada amalga oshirilayotgan ishlar va mamlakatning bu boradagi xalqaro o‘rnini tahlil qilish, xalqaro tijorat arbitraji sohasiga oid taklif va xulosalar taqdim etishushbu bitiruv malakaviy ishning asosiy maqsadi hisoblanadi.
Bitiruv malakaviy ishining yangiligi. Xalqaro tijorat arbitraji va undagi nizolarni yechishning turli usullarini tadqiq qilish, ushbu soha doirasidagi amaliyotlarni o‘rganish, arbitraj jarayonlarida arbitrlarning rolini tahlil etish, zarur bo‘lgan taklif va yechimlar taklifini berishdan iboratdir.