Veterinariya virusologiyasi

VIRUSLARGA FIZIK VA KIMYOVIY MUVAQQATLARNING TA’SIRI.
Bordiyu, xo‘jalikda kasallik aniqlangudek bo‘lsa, u taqdirda veterinariya qonuniyatiga muvofiq bu notinch territoriya (ferma xo‘jalik)da karantin deb e’lon qilinib, u yerdan hayvonlarni chiqarish va olib kirishlarni veterinariya vrachi nazoratsiz man etiladi.
Chorva mollarini notinch joy orqali haydab o‘tish hamda notinch otlarda chorva mollarini har qanday qayta guruhlarga ajratish to‘xtatiladi.
Tuzalmaydigan, shuningdek, davolash usuli bo‘lmagan (m:quturish kasalligi kabi) alohida xatarli kasalga yo‘liqqan jonivorlar maxsus jihozlangan maydonchalarda o‘ldiriladi, o‘liklarni esa kuydiriladi.
Shartli sog‘lom hayvonlarni kasallikka qarshi emlab asrab qolinadi.
Yuqumli kasalliklarning tarqalishini oldini olish harom o‘lgan va o‘ldirilgan hayvonlarning o‘liklarini utilizatsiya qiladigan veterinariya-sanitariya punktlarida qayta ishlaydilar. Bu joyda ularni yuqori bosimli qozonlarda temperaturani 100^odan yuqori darajada kutarilib qaynatiladi. Profilaktika maqsadida, shuningdek kasallik paydo bo‘lganida chorvachiik binolari dezinfeksiya qilinadi. Dezinfeksiyani samarali o‘tkazish uchun molxonani go‘ngdan, nishxurdlardan va boshqa iflosliklardan tozalash zarur. Infeksiyaning chang bilan birga to‘zib ketishiga yo‘l qo‘ymaslik uchun dastlab molxonaning ichkarisiga suv sepiladi va shundan so‘ng asta-sekin iflosliklar, maxsus ajaratilgan uchastkaga chiqariladi.
Sungra devorlar, pol, to‘siqlari va asboblar issiq suv bilan yuviladi va dezinfeksiya qilinadi.
Binoni tozalashda ishlatilgan panshaha, belkurak, xaskash va boshqa buyumlarni yuqumsizlantirish uchun dezinfeksiyalaydigan eritmaga 3-5 kun solib qo‘yiladi.
Binoni dezinfeksiyalashda ishlatiladigan barcha eritmalar har 1m² maydonga 1l hisobidan sarflanadi. Dastlab polga purkaladi, so‘ngra devorlar, shundan keyin esa yana polga sepiladi. Dezinfeksiyalanadigan binoni yopib (22) 2-3 soat dimlanadi, so‘ngra shamollatiladi, devor va oxurchalar suv bilan yuviladi.
Kasal hayvonlar tekkan yoki tezagi bilan ifloslangan qo‘yxonalar territoriyasining atrofi va barcha narsalar ham bir yo‘la yuqumsizlantirish lozim. So‘ngra go‘ngni ko‘ydirib yuboriladi yoki yuqumsizlantiriladi.
Dezinfeksiyalashda so‘ndirilmagan oxak, karbol kislota hamda boshqa vositalardan foydalaniladi. So‘ndirilmagan oxak 10-20%li oxak suti sifatida ishlatiladi.