„Vatan tuyg‘usi kitobidan

Maftunkor bo‘yoqlar
Har bir xalq o‘zi makon tutgan yerni sevadi, ardoqlaydi, himoya qiladi. Shoirlar madh etadi, musavvirlari esa bu yurtning betakror manzaralarini bo‘yoqlarga ko‘chiradi. Shimol musavviri uchun bepoyon muz kengliklari qanchalik ilhom baxsh etsa, afrikalik rassom uchun savannalar shunchalik qadrlidir. Dunyo rassomlik san’ati shu sababli ham g‘oyatda boy va rang-barangdirMustaqillik sharofati tufayli milliy tasviriy san’at taraqqiyotiga zamin yaraldi. Bu davrda tasviriy san’atning rangtasvir, haykaltaroshlik, grafika turlari, uning ko‘pgina janrlari rassom va haykaltaroshlarning erkin ijodiy faoliyatlari keng tus oldi. Jahon tasviriy san’ati xazinasida o‘zbek mo‘yqalam ustalari asarlari ham mavjud. Tarixda Leonardo da Vinchi kabi ulug‘lar qatorini buyuk Kamoliddin Behzodsiz tasavvur qilib bo‘lmaganidek, bugungi ijodiy jarayonni ham o‘zbek rassomlarisiz tasavvur etib bo‘lmaydi. O‘zbekiston xalq rassomlari Bahodir Jalolov, Ro‘zi Choriyev, O‘rol Tansiqboyev, Alisher Mirzayev, Rahim Ahmedovlarning asarlari dunyoga mashhur.


Barkamol avlod – kelajak poydevori
Bugun mamlakatimizda olib borilayotgan bunyodkorlik ishlari farzandlarimizning ham jismoniy, ham ma’naviy jihatdan sog‘lom bo‘lib o‘sishi, ularning baxt-saodati uchun xizmat qiladi. Yosh avlodning barkamolligi ta’lim sohasini har tomonlama rivojlantirish, yetuk avlodni tarbiyalash maqsadini ko‘zlaydi. Sog‘lom va barkamol avlodni tarbiyalashda oila muhim o‘rin tutadi. Sog‘lom va mustahkam oila davlatimiz va jamiyatimiz e’tiboridadir. Shu sababli yoshlarni giyohvandlik, axloqsizlik, har xil zararli ta’sirlardan asrash e’tiborimizdan chetda qolmasligi kerak.
Yoqub Ahmedov
Yoqub Ahmedov Namangan shahrida tavallud topgan. Yoqub Ahmedovni keng san’at muxlislariga ilk bor tanitgan obrazi Turob To‘laning „Furqat“ badiiy filmidagi Furqat obrazi bo‘ldi. Shundan keyin Yoqub Ahmedov ellikka yaqin obrazlar yaratdi. Yoqub Ahmedov o‘zi yaratgan obrazlarning ichki dunyosini, o‘ziga xos xususiyatlarini ko‘z qarashlar, imo-ishoralarda, yurish-turish orqali yorqin ko‘rsata oladigan mohir aktyorlardandir. Abu Rayhon Beruniy, Alisher Navoiy, Bobur, Furqat, Ali Qushchi, Abay kabi o‘tmishda o‘tgan buyuk olim-u fozil kishilarning obrazlarini yaratish Yoqub Ahmedovga nasib etgan. Shuningdek, „O‘zbekfilm“ kinostudiyasida dublyaj qilingan besh yuzdan ortiq filmlarga ovoz berdi. Aktyor O‘zbekiston radiosida Lug‘at 111 Lug‘at tayyorlangan qator radiospektakllarda faol qatnashdi, ayniqsa, uning „G‘azalxonlik“ eshittirishidagi chiqishlari, o‘zbek adabiyoti namoyandalarining o‘lmas g‘azallarini ajoyib ovozi bilan yoqimli tarzda o‘qishi, Yuneskoning Buyuk ipak yo‘li asosida yaratilgan „Har dardning davosi bor“ radiopostanovkasi tinglovchilarni maftun etib kelmoqda. Yoqub Ahmedov O‘zbekiston xalq artisti, Davlat mukofoti sovrindori, „Do‘stlik“ ordeni va „Mehnat – shuhrat ordeni“ bilan taqdirlangan.