„Vatan tuyg‘usi kitobidan

Tillashayx jome masjidi
Tillashayx masjidi toshkentlik mashhur Tillashayx tomonidan bunyod etilgan. Me’moriy obida o‘z dizayni bilan o‘z davrida qurilgan masjidlardan ajralib turgan. Inshoot to‘rtburchak tarhli, gumbazsimon, masjidning ikki yonida uncha katta bo‘lmagan minoralar bo‘lib, masjidga arksimon qilib qurilgan ayvon orqali kiriladi. Arklar soni 3 ta. Masjidning tashqi tomoni bezaklardan xoli bo‘lib, uning ikki yonida masjidga yorug‘lik tushishini ta’minlash uchun 18 ta deraza o‘rnatilgan. Masjidning ichki ko‘rinishi tashqi ko‘rinishidan mutlaqo farq qiladi, undagi ganch 57 Lug‘at naqshlar, gulli bezaklar insonni beixtiyor o‘ziga jalb qiladi. Masjid ichidagi gumbaz osti naqshlar ham o‘zining nafisligi bilan boshqalardan ajralib turadi. Masjidni yoritish maqsadida qandillar ham o‘rnatilgan. Masjidning bugungi kungacha va bugungi holati haqida gapiradigan bo‘lsak, masjid usta Shirin Murodov tomonidan ta’mirlangan. 2007-yil Hastimom majmuasi bunyod etilgan davrda me’moriy obida atrofidagi e’tiborga molik obidalar ham ta’mirlandi.
Ona – ulug‘ zot
Azaldan xalqimiz onalarni „uy bekasi“, „xonadon farishtasi“, deb ulug‘lab kelishgan. Oilada bolaning yaxshi inson bo‘lib yetishishida onaning o‘rni kattadir. Ona o‘z bolasini: „O‘qitay, qornini to‘q tutay, katta odam qilay“, – deb o‘z rohatidan ham voz kechadi. Bolani jismonan sog‘lom bo‘lib yetishishi uchun uni chiniqtirish, badantarbiya bilan shug‘ullantirish kerak bo‘ladi. 86 Onalarimiz kechirimli bo‘ladilar. Ular o‘z bolalari bilib-bilmay qilgan ayb ishlarini kechiradilar. Bolalaridan o‘z nasihatlarini ayamaydilar. Ularni to‘g‘ri yo‘lga yetaklaydilar. Farzandlarining erishayotgan yutuqlarini ko‘rib quvonadilar.


Vatanimiz himoyachilari
Mustaqillikka erishganimizdan so‘ng biz o‘z milliy armiyamizga ega bo‘ldik. 14-yanvar Vatan himoyachilari kuni sifatida keng nishonlanadi. Vatanimizni ko‘z qorachig‘idek asrash har birimizning burchimizdir. Yurtimizning har bir o‘g‘loni Vatan himoyasi uchun xizmat qilishni orzu qiladi. Ular jonajon yurtimizning muqaddas sarhadlarini, xalqimiz osoyishtaligini mardona himoya qiladilar. Shuning uchun har bir bola chiniqqan va mard bo‘lishi kerak. Respublikamizda har yili bahorda yigitlarimiz majburiy harbiy xizmatga chaqiriladilar. Ular bir yil davomida muddatli harbiy xizmatni 61 Bilib oling! Lug‘at o‘taydilar. Majburiy xizmatning to‘rtdan bir qismi o‘tib bo‘lgach, yigitlarga shartnoma asosida harbiy xizmatni uzaytirish taklif etiladi. Biz, yoshlar ham o‘zimizning bilimlarimiz, shijoatimiz va intilishlarimiz bilan Vatanimizga bo‘lgan sadoqatimizni ko‘rsataylik. Uning ravnaqi uchun sidqidildan xizmat qilaylik.