„Vatan tuyg‘usi kitobidan

Inson yaxshilik uchun yaratilgan
Yaxshilik --- bu jamiyat uchun tinmay mehnat qilish, xalq sha'niga dog' tushirmaslik, ko'pchilik manfaatiga qarshi ish tutmaslik, o'z xalqiga xiyonat qilmaslik, ziyon yetkazmaslikdir. Yaxshilik vijdonli, muomalali, madaniyatli, kamtar, oliy- janob, haqgo'y bo'lish, inson taqdiri haqida chinakam g'am- xo'rlik qilish, bir-biri bilan hamkor bo'lish demakdir. Halol mehnat qilish yaxshilikdir. Yaxshilik qonuni asosida yashamoq --- barhayotlikdir. Donolar deydiki: "Birovga yaxshilik qilsang, o'ziga bildirmay qil". "Birovga yaxshilik qilsang, yaxshilik qaytadi".


Ilm va uning xosiyatlari
Olim kishilar har yerda aziz va hurmatdadirlar. Shuning uchun har vaqt ilm olish ilinjida bo‘lish kerak. Ilmsiz inson – mevasiz daraxt. Demak, hamisha ilmlilar safida bo‘lishga intilmoq lozim. Ilm martabasi martabalarning eng zo‘ridir. Shu sababli yoshlikdan ilm olish payida bo‘lish zarur. Ilm – saodatga yo‘llovchi mash’al. Shu tufayli uning insonlar hayotidagi o‘rni nihoyatda katta. Beshikdan to qabrgacha ilm izlamoq darkor


Yoshlikdagi orzular
Odamzodning tabiati shundayki, bugungi kun bilangina emas, ko'pincha, kelajak bilan, ezgu umidlar va go'zal orzu- havaslar bilan yashaydi. Yaxshi kunlari va osuda damlarini qo'msab, unga intilib yashaydi. Ha, inson orzularining cheki yo'q. U doimo ertangi kuniga umid bilan boqadi. Bunga erishish esa, eng avvalo, yoshlikning nechog'liq oqilona kechishiga bog'liq. Yoshlik g'oyat bebaho, lekin tez o'tib ketadigan boylik. Yoshlik hayotda eng murakkab va nozik, eng mas'uliyatli va g'animat davr. Ya'ni tabiatda nima ekilsa, shu olinganidek, yoshlik ham inson taqdiri va kelajagini belgilashda hal qiluvchi davr. Shu bois yoshligingizni samarali ishlarga sarflang, uni behuda o'tkazmang.


Orzular qanotida
Orzu-havas hosildor tuproqqa o'xshaydi. Yer bag'riga qadalgan cho'p niholga aylangani, o'sgani kabi orzu haminson qalbini gullatadi. Unga mehrdan, istakdan sayqal berilsa, ezgu niyatlar tomon yetaklaydi. Astoydil qilingan orzu, intilgan maqsad muvaffaqiyat kalitidir. Orzuga yetkazadigan kalit qanday qo'lga kiritiladi?
Bolalikdagi hayrat, yengilgina urinishlar orqasidanmi yoki yaqinlaringning senga bildirgan ishonchlaridanmi? Har holda orzu-maqsadlar ortida ko'z ilg'amas olis manzillar, mashaqqatli mehnat, bedor tunlar bor! Inson hayotda yashar ekan, nimanidir orzu qiladi, kimgadir suyanadi, uni umrining mazmuni deb biladi. Bolalikda har bir o'g'il-qizning orzusi osmon qadar bo'ladi. Yurtboshimiz I. Karimov ta'kidlaganlaridek: "Yurtimizdagi har bir oila, har bir ota-ona o'z farzandlari qiyofasida, unib- o'sib kelayotgan yosh avlod timsolida bilimli, imon-irodali, mardlik va fidoyilik fazilatlarini namoyon etishga qodir bo'lgan
barkamol insonlarni ko'radi, ularning baxtli-saodatli bo'lishini orzu qiladi". Harbiy akalariga havas qilib, ulg'ayganda askar bo'lishni orzu qilgan bolakayning intilishlariga olam havas qilsa arziydi. Bu hayot juda tez: boshdagi do'ppini bir aylantirguncha, o'tadi-ketadi. Shu qisqa fursatda inson xalq uchun, Vatan uchun, o'z farzandlari va nasllar uchun savobli ishlar qilib ulgurishi kerak. Oliyjanob xalqimizning ezgu tasavvur va tushunchasiga ko'ra, har bir odam dunyoga kelib, uchta xayrli ishni ado etishi lozim. Birinchisi, sog'lom va oqil farzand tarbiyalab voyaga yetkazish. Ikkinchisi, o'z oilasi, farzandlari uchun imorat qurish. Uchinchisi, kelajakni o'ylab, yaxshi niyat bilan daraxt o'tqazish. Bu insoniy intilishlarda millatimizning barkamol avlod haqidagi orzu-umidlari o'z aksini topgan.