ЎҚув методика маркази

Саводга тайёрлаш бўйича амалий машқ
“Тез айтишни –кўп айтиш” ўйини
Соатсоз соатни созлади.
Тез айтишни, қаттиқ, секин ва пичирлаб айттириш
“S” товушига “Сўз топинг” ўйини.(soat, savat, sabzi...) “S” товушининг ўрнини аниқлашни машқ қилиш.
Машғулот якунида барча болаларни ширин сўзлар билан рағбатлантириш.


8-машғулот
Мавзу: Асарни қайта ҳикоя қилиш.А. Авлоний. «Қуён ва типратикан»
масали.
Мақсад: Бадиий асарни қайта ҳикоя қилиш малакасини ўстириш. Асарни мазмунли, мантиқий изчилликда ҳикоя қилишга ўргатиш.
Вазифалар:
Грамматик жиҳатдан тўғри жумлалар тузиб баён қилишга ўргатиш.Овоз кучининг паст-баланд қилиб ўзгартира олишни шакллантириш, оҳанг воситаларидан тўғри фойдаланишга ўргатиш.
Кутилаётган натижалар:
Болалар асарни қайта ҳикоя қилиб беришга ўрганадилар. Грамматик жиҳатдан тўғри жумлалар тузиб баён қилиш, оҳанг воситаларидан тўғри фойдаланишга ўрганадилар.
Керакли жиҳозлар:
Мавзуга оид расмлар
Машғулотнинг бориши
Тарбиячи: Қандай ёввойи ҳайвонларни биласиз?
- Болажонлар, булар қандай ҳайвонлар? (Қуён ва типратикан)Кунлардан бир куни қуён билан типратикан суҳбатлашиб қолишибди. Улар нима ҳақида суҳбатлашганликларини ҳозир мен сизларга ўқиб бераман. (Тарбиячи ривоятни ифодали қилиб ўқиб беради).
Ривоят бўйича саволлар беради:
1. Қуён типратиканга нима деди?
2. Типратикон қуёнга нима деб жавоб берибди?
3. Нима учун типратикан “бу тиканларим, мени ит ва бўриларнинг ўткир тишидан сақлайди”, деб жавоб берибди? Сиз бу жавобни қандай тушундингиз? Типратиканнинг жавоби тўғрими?
4. Қуён типратиканга берган саволидан уялиб қолдими? Сиз нима деб ўйлайсиз? Нима учун?
Тарбиячи ривоятни яна бир марта ифодали қилиб ўқиб беради.
«Қуён ва типратикан»
Оппоқ ва юнглари сип-силлиқ қуёнча типратиканга қараб:
- Оғайнижон, кийиминг жуда ҳам ҳунук ва тиканли-я!-деди.
- Тўғри, рост гапни айтдинг. Бироқ бу тиканларим, мени ит ва бўриларнинг ўткир тишидан сақлайди. Сенинг оппоққина юмшоққина тўнинг ҳам шундай хизмат қиладими?-деди типратикан.
Қуён жавоб бермай, хўрсиниб қўйди.
Сўнгра беш-олти бола ҳикоя қилади. Асарни қисмларга бўлиб ҳикоя қилдириш мумкин.