ЎҚув методика маркази

Саводга тайёрлаш бўйича амалий машқ
Болалар, “А” товушига сўз топ ўйинини ўйнаймиз. “А”товуши ҳам унли товуш экан. Мен “А” товушини айтганимда истаганча чўзишим мумкин, чунки уни талаффуз қилаётганимда ҳеч нарса тўсиқ бўлмайди. Оғзимни кузатинг. “а-а-а”. Кузатдингизми “А” товушини талаффуз қилганимда чўзиб айтдим.Товуш тўсиққа учрамади. Демак “А” товуши унли товуш экан. Унли товушларни биз доимо қизил рангда белгилаймиз. Яна қандай товушни чўзиб талаффуз қиламиз? ( “О”) Нечта унли товушларни ўргандик? (2та: “О”, “А”)
“А” товушига сўз топ ўйини
(аyiq, аsal, аnor, Аzizа....) Сўзлардаги “А” товушини ўрнини аниқлаш
“Тез айтишни –кўп айтиш” ўйини
Энди болажонлар, тез айтишни ким кўп айта олишини синаб кўрамиз:
Айиқ асал ялади,
Асалари талади.
Машғулот якунида барча болаларни рағбатлантириш.
5-машғулот
Мавзу: “Санобар” ҳикоясини қайта ҳикоя қилишга ўргатиш
Мақсад: Қайта ҳикоя қилишни ўргатаётганда болалар диққатини, айниқса, ҳикоянинг бошланиши, хулоса қисмига, ҳикоялардаги икки қаҳрамоннинг ўзаро нутқи кабиларга қаратиш.
Вазифалар:
Боғланган нутқни ривожлантириш.Сўзлаётганда тўғри нафас олишни ривожлантириш. Жумлаларда “S” товушини тўғри талаффуз этиш устида болалар билан машқ қилиш. “S” товушини тўғри талаффуз этилишини кузатиш. Овоз кучини паст-баланд қилиб ўзгартира олишни шакллантириш, оҳанг воситаларидан тўғри фойдаланишга ўргатиш.
Кутилаётган натижалар:
Болаларнинг боғланган нутқи ривожланади.
Болалар оҳанг воситаларидан тўғри фойдаланишни ўрганадилар.
Керакли жиҳозлар:
Мавзу бўйича расм
Машғулотнинг бориши
Тарбиячи: болалар, сиз уйда онангизга ёрдам берасизми? Қандай ёрдам берасиз? Ҳозир мен сизга Санобар исмли қизчанинг онасига берган ёрдами ҳақида ҳикоя ўқиб бераман. Диққат билан эшитинг.
Тарбиячи болаларга ҳикояни ўқиб беради ва мазмуни бўйича савол-жавоб ўтказади.

1. 
   Санобарнинг онаси нима учун қизидан хурсанд бўлди?
   
2. 
   Санобар ойисига қандай ёрдам берди?
   
3. 
   Санобарнинг ойиси супургини сақлаш ҳақида нималар деди?
   
4. 
   Санобар ҳамма ишларини тамомлаб бўлиб, кимга қаради?
   

5. Ҳикояни ким қайта ҳикоя қилиб беради?
Тарбиячи ҳикояни яна бир марта ифодали қилиб ўқиб беради. Сўнгра беш-олти бола қайта ҳикоя қилади