ЎҚув методика маркази

Болалар билимини текшириш ва мустаҳкамлаш учун саволлар
Санобар қандай юмушларни бажарди?
Санобар ойисига қандай ёрдам берди?
“Санобар” ҳикояси
Онаси Санобарнинг ҳовлига сув сепаётганини кўриб қувониб кетди.
Менинг ширин, меҳрибон қизим! Ишимни енгиллаштирдинг, мен энди овқат пиширай деди. Санобар ҳовлига сув сепиб бўлиб, онасидан сўради.
-Ойижон, супурги қани?
-Тол тагида турибди.Ҳовлини супуриб бўлганингдан кейин супургини офтобга ташлаб қўйма, қуриб қолиб кейин супираётганингда синиб кетади, - деди онаси.
Санобар ичида: “Ойим жуда ақллилар-да, ҳамма нарсани биладилар”, деб ўйлади ва онасига ўхшагиси келиб кетди. Кейин ариқ бўйидаги ранг-баранг гулларга сув қуйди. Санобар ҳамма ишларни тамомлаб бўлиб, укаси Салимни кўтариб кўчага чиқди.Овқат пишгунча укасини ўйнатиб юрди. Санобар уйда онасига ана шундай ёрдамлашади.


6-машғулот
Мавзу: Нутқда тўғри нафас олиш ва нафас чиқаришни ривожлантириш “Қайиқчани сувда суздир”ўйини кенгайтириш керак
Ўйиннинг мақсади: “Қайиқчани сувда суздир” ўйини орқали ҳар бир болада бир нафас чиқаришда бир қанча товушни талаффуз этиш қобилиятини ривожлантириш.
Методик кўрсатма: болалар “F” товушини талаффуз этишаётганда лунжларини шиширмасликлари керак. Болаларга “P” товушини бир нафас чиқаришда икки –уч марта талаффуз эттириш. Бу ҳаракатларни болалар қандай бажараётганликларини тарбиячи доимо кузатиб бориши керак.
Ўйинга тайёргарлик: тарбиячи тоғорада сув ва қоғоздан ясалган қайиқчаларни тайёрлаб қўяди.
Машғулот учун материал: “Қайиқчани сувда суздир”ўйини.
Ўйиннинг бориши: Болалар катта доира ҳосил қилиб ўтирадилар. Ўртада кичкина стол устида сув тўлдириб қўйилган тоғора бўлади. Тарбиячи қайси болалани чақирса, шу бола чиқиб, стулчага ўтириб олиб сувнинг ичидаги қайиқчани пуфлайди. Пуфлаганда “F” ёки “P” товушини талаффуз этади. Ўйинни такрорлаганда қайиқчани маълум бир белгиланган жойгача пуфлаб олиб бориши керак. Тарбиячи болаларга қайиқчага ўтириб, бир шаҳардан иккинчи шаҳарга сузиб боришни таклиф этади. Бунинг учун тарбиячи тоғоранинг чеккаларига байроқчалар қўйиб қўяди. Бу байроқчалар шаҳарчаларни билдириб туради. Қайиқчани лабларни найчага ўхшатиб олдинга чиқариб пуфлаш ҳам мумкин, лекин лунж шишмаслиги керак.Мана, кучли шамол эса бошлади, дейиш билан бола “P-P- P- P”, деб пуфлайди. Ўйин шу тариқа давом этади.