ЎҚув методика маркази

7-машғулот.
Мавзу: Шахсий таассуротлар бўйича ҳикоя тузиш: “Бизнинг ўйинчоқларимиз”
Мақсад:
Шахсий ҳаётлари асосида ўйинчоқнинг ташқи кўринишини таърифлашга, улар билан қандай ўйнаш кераклиги ҳақида гапириб беришга ўргатиш.
Вазифалар:
Сўзлашув нутқини шакллантириш.Сўзларни аниқ ва бурро айтиш.
Сўзлаётганда тўғри нафас олишни ривожлантириш.Нутқнинг ифодалилигини тарбиялаш.“S-Z” товуши устида ишлаш. “S” товушига сўз топиш. Жумлаларини қаттиқ, пичирлаб айтишни машқ қилиш.
Кутилаётган натижалар:
Болаларнинг сўзлашув нутқи ривожланади.
Болаларда ўз фикрини нутқда мустақил ифодалаш малакалари шаклланади. “S-Z” товуши тўғри талаффуз этиш, “S” товушига сўз топиш, жумлаларни қаттиқ, пичирлаб айтиш малакалари мустаҳкамланади.
Керакли жиҳозлар:
Ўйинчоқлар: машина, сигир, бузоқ, зебра, сичқон.
Машғулотнинг бориши.
Тарбиячи: “Болажонлар, қаранглар, бизнинг гуруҳимизда ўйинчоқлар, жуда кўп. Улар ҳар хил. Санжар, сизнинг ёқтирган ўйинчоғингиз қайси? Бизга кўрсатинг?” (Санжар машинани кўрсатади).
Санжар, Сиз бу ўйинчоқ ҳақида гапириб беринг. Унинг номи нима? Нималари бор? Нимадан ясалган? Машина яхшими, ёмонми? Сабабини тушинтиринг. У билан қандай ўйнаш мумкин? (Болалар сўзлайдилар. Шу тариқа бошқа ўйинчоқлар ҳам кўриб чиқилади ва 3-4 боладан сўралади).
Тарбиячи: Энди уйингиздаги ёқтирган ўйинчоғингиз ҳақида гапириб беринг. Ёқтирган ўйинчоғингиз ҳақида шундай гапириб беришингиз керакки, ўйинчоғингизни кўрмаган болалар ўйинчоғингизни кўргандек бўлишлари, у билан қандай ўйнаш кераклигини тушуниб олишлари керак (Агар болалар таърифлашда қийналсалар, тарбиячи намуна беради. Ўйинчоқни кўрсатиб, таърифлаб беради).
Бармоқлар машқи
Тарбиячи шеърни ўқиб туради. Болалар ҳаракатни бажарадилар.
М ушукча
Д. Икромова
Мушукман эпчил, чаққон,
Мендан қутилмас сичқон.
Беринг менга сут, қаймоқ,
Бўламиз қалин ўртоқ.
Қаймоқ қолмагандир-ов,
Эҳ! Афсус, миёв-миёв.

Ўрта, номсиз ва бош бармоқ бирлаштирилади. Кўрсаткич ва жимжилоқ бармоқлар юқорига кўтарилади.

“Овоз оҳанггини топ” ўйини
Стол устида сигир, бузоқ, эчки, қўй, сичқон. Мен ўйинчоқни кўрсатаман, сиз товушларини аниқроқ талаффуз қилиб айтасиз.