ЎҚув методика маркази

Саводга тайёрлаш бўйича амалий машқ
Болалар, “M” товушига сўз топ ўйинини ўйнаймиз. “M” товуши ундош товуш. Мен “M” товушини айтганимда истаганча чўзиб айта олмайман.
Оғзимни кузатинг “M”. Бунда лаблар кучсиз бирлашади. Товушлар тўсиққа учрайди, қисқа айтилади, шунинг учун ундош товуш дейилади. “M” товуши қисқа айтилди, тўсиққа учради. Биз яна қандай ундош товушларни ўрганганмиз? (“N”, “L”)
Болажонлар, энди “Тез айтишни, кўп айтиш” ўйинини ўйнаймиз.
Мушук нима ялайсан,
Музқаймоққа қалайсан?
Тарбиячи “M”товушининг сўз бошида келган расмларни (Мушук,маймун, машина) кўрсатади. Болалар тарбиячи билан биргаликда расмларни номлайдилар.
Машғулот якунида барча болаларни ширин сўзлар билан рағбатлантириш.


6-машғулот
Мавзу: “Sh” товушини тўғри талаффуз қилиш
Мақсад: “Sh” товушининг тўғри талаффузини мустаҳкамлаш.
Вазифалар:
“Sh” товушининг ўрнини аниқлаш: сўз боши, ўртаси ва охирида келишини айтиш,сўзларни бўғинларга ажратиш, “Sh” товушини эшитиб фарқлашга ўргатиш, “Sh” товушли сўзлар билан болалар нутқини бойитиш.
“Sh” товушининг ундош товуш экани ҳақида тушунча бериш
Кутилаётган натижалар:
“Sh” товушининг ундош товуш эканлигини, унинг сўз боши, ўртаси ва охирида келишини билиб оладилар.
“Sh” товушли сўзлар айта оладилар.
Керакли жиҳозлар:
“Sh” товуши бор суратлар
“Бўғинлардан сўз тузинг» таълимий ўйин учун материаллар
Машғулотнинг бориши:
Тарбиячи: бугун болалар “Sh” товуши ҳақида суҳбатлашамиз. “Sh” ундош товуш. Товушни эшитамиз, талаффуз қиламиз.Диққат билан эшитинг Sh товушини талаффуз қилганимда чапак чаласиз.
- “Sh”, “s”, “ch”, “sh”, “Sh”, “r”, “l”, “Sh”, “a”, “s”, “o”, “u”, “Sh”, “sh”, “s”, “Sh” …..
- “Sh” товушига оид сўзлар топишга ҳаракат қиламиз: шар, шапка, шам, калиш, беш, қуёш,қамиш, тиш (болалар қийналсалар расм кўрсатиш мумкун)
- Айтилган сўзлардаги “Sh” товушини ўрнини аниқлаймиз.
Мен айтаман, сиз аниқлайсиз: sham Мен шу сўзни қайта айтаман, сиз биринчи товушни айтасиз: sh-sh-sham. Демак, sham сўзида sh товуши сўзнинг бошида келяпти; мен бошқа сўзни айтаман, сиз “Sh” товушини ўрнини аниқланг: qo-shiq, демак, qo-shiq сўзида sh товуши сўзнинг ўртасида келяпти. Энди ўзингиз мустақил “Sh” товуши иштирок этган сўзларни топинг ва ўрнини аниқлашга ҳаракат қилинг. (қошиқ, эшак, калиш, беш, қуёш, қамиш, тиш)Болалар айтган сўзларини чапак чалиш орқали бўғинларга бўладилар.