Ushbu yo‘nalishdagi faoliyatga e’tibor mamlakatimizda davlat siyosati darajasiga ko‘tarilgan

To‘qqizinchi bosqich Ishlab chiqilgan nazariy asoslarni ilmiy-metodik jihatdan tahlil qilish va ulardan bo‘lajak boshlang‘ich sinf o‘qituvchilarini tayyorlash jarayonini takomillashtirish hamda rivojlashtirishga oid manbalardan belgilab, aniqlab olish. Bu bosqich vazifasi ilmiy-nazariy asoslarning amaliy ahamiyatini qay darajada topayotganligini baholashdan iborat. Bunda ilmiy-nazariy asoslarni e’tiborga olib innovatsion ta’lim texnologiyalarini yaratishda qo‘yidagilarga e’tibor berish kerak:

• 
  rejalashtirilgan innovatsion ta’lim texnologiyasiga ijtimoiy-pedagogik asoslari nimalardan iborat ekanligini aniklash;
  
• 
  innovatsion ta’lim texnologiyasidan amaliy faoliyatga fodlalanishini jarayon sifatida bosqichma-bosqich amalga oshiradigan ierarxik ketma-ketligini mavjudligini aniqlash va agar mavjud bo‘lsa har bir bosqichning funksional vazifalarini belgilab chiqish;
  
• 
  qaralayotgan innovatsion ta’lim texnologiyasi bugingi kun talabi va jahon ta’limi talablariga mos kelishligini o‘rganib chiqish;
  
• 
  agar qaralayotgan innovatsion ta’lim texnologiyasi yaxlit tizim sifatida qaralsa, uning tuzilmasini tashkiliy-funksional qism tizimlar (qism elementlari) bo‘yicha ifodalash mumkinligini o‘rganish;
  
• 
  innovatsion ta’lim texnologiyasining maqsadini bo‘lajak boshlang‘ich sinf o‘qituvchilarini kasbiy faoliyatga tayyorlashni takomillashtirish maqsadi bilan mos keltirish.
  

Innovatsion ta’lim texnologiyasi bo‘lajak boshlang‘ich sinf o‘qituvchilarini kasbiy faoliyatga tayyorlashdagi aniq bir o‘quv predmetini o‘qitishning ilmiy asoslagan qonun-qoida, metod va usullaridan iborat bo‘lib, u ta’limda rejalashtirilgan maqsadga erishish bosqichlarini o‘zida aks ettiradi va qaralayotgan ta’lim jarayonini olib borishning optimal variantini qo‘lga kiritishga ham sharoit yaratadi.
Demak, mazkur bosqichda ishlab chiqilgan ilmiy-nazariy asosni va tadqiqot maqsadini e’tiborga olib bo‘lajak boshlang‘ich sinf o‘qituvchilarini intellektuallashtirilgan o‘qitish tizimlaridan foydalangan holda kasbiy faoliyatga tayyorlash texnologiyasi tanlanadi va uni amaliyotga joriy etish metod hamda usullarini ishlab chiqishga kiritiladi. Bu borada agar rejalashtirilgan maqsad bilan olingan natija bir-biriga mos tushsa, rejalashtirilgan pedagogik tadqiqot jarayoni oxiriga etgan hisoblanadi.