Ushbu yo‘nalishdagi faoliyatga e’tibor mamlakatimizda davlat siyosati darajasiga ko‘tarilgan

Yettinchi bosqich: Tadqiqot manbai va ular asosida yig‘ilggan axborotlar bankini e’tiborga olgan holda axborot texnologiyalaridan foydalanish bo‘yicha vazifalarni belgilab olish.
Yuqoridagi bosqichlar asosida ish olib borish tadqiqot ishlarini olib borishning axborotli ta’minotini ishlab chiqishni taqozo etadi. Bu esa tadqiqot rejasini amalga oshirishda boshqarish algoritmini ishlab chiqishga imkon yaratadi va u tadqiqot ishini olib borishdagi ishlatiladigan axborotlar bankiga asoslanadi. Bunday axborotlar bankini va ular asosidagi axborot texnologiyalarini amaliyotga joriy etishning mantiqiy ketma-ketligini asoslab olish, ushbu bosqichning asosiy vazifasi bo‘lib hisoblanadi. Bu tadqiqot rejasini ishlab chiqishga ham didaktik asos bo‘ladi.
shuning bilan birga insoniyatning axborot ishlab chiqish bo‘yicha imkoniyatlarini kuchaytiruvchi zamonaviy texnologiyalar, axborotlashgan jamiyatning intellketual salohiyati sifatini ham belgilaydi va bu jarayonlarni axborotlashtirish sanoatini muntazam rivojlantirishning ilmiy-texnik asosi hamdir. Shuningdek, axborot texnologiyalari jarayonlar kechishini va ularni boshqarishda asosiy manba bo‘lib hisoblanadi. Ular kirish (boshlang‘ich) ma’lumotlarni va boshqa mavjud ma’lumotlarni tizim (qism tizimlarga va kerakli qayta tizim elementlarigacha)larga ajratish va qayta ishlash hamda kerakli maqsadlar bo‘icha qayta ishlangan ma’lumotlarni uzatish algoritmlarini o‘z ichiga oladi. Bu texnologiyadan jarayonlar kechishini ifodalashda foydalaniladi. Shuning uchun ham axborot texnologiyalaridan oqilona (ratsional) foydalanish tadqiqotchilar faoliyatini samaradorligini oshiradi.
Axborot texnologiyalari asosida faoliyat yuritish quyidigi vazifalarni hal qilishning optimal yo‘lini ta’minlab beradi:

• 
  Bo‘lajak boshlang‘ich sinf o‘qituvchilarini tayyorlash jarayonilari to‘g‘risidagi ma’lumotlarni yig‘ish va qayta ishlash;
  
• 
  Bo‘lajak boshlang‘ich sinf o‘qituvchilarini tayyorlashdagi ta’lim jarayoni kechishi haqidagi davriy ma’lumotlarni muntazam ravishda olib turish va ular asosida oraliq nazoratlar olib borish;
  
• 
  Bo‘lajak boshlang‘ich sinf o‘qituvchilarini tayyorlashdagi ixtiyoriy joriy so‘rovlarga o‘sha paytning o‘zida javob olish, uni rasmiylashtirish va boshqarishga kerakli tuzatishlar kirita olish;
  
• 
  Bo‘lajak boshlang‘ich sinf o‘qituvchilarini tayyorlashning har to‘rtala (aniqlashtirish, shakllantirish, tadqiqotchilik va umumlashtirish) bosqichi bo‘yicha ma’lumotlar bazasini tarkib toptirish;
  
• 
  Bo‘lajak boshlang‘ich sinf o‘qituvchilarini intellektuallashtirilgan o‘qitish tizimlari negizida tayyorlashga oid axborotlar bankini va unga mos bilimlar bankini tayyorlash va shu kabilar.
  

Demak, bugungi kunda axborotlashtirilgan jamiyat sari asriga dadil qadamlar quyilib borilishi bilan xarakterlanmoqda. Bu borada axborotlar, axborot texnologiyalarning roli beqiyosdir.