Ushbu yo‘nalishdagi faoliyatga e’tibor mamlakatimizda davlat siyosati darajasiga ko‘tarilgan

BIRINCHI BOB BO‘YICHA XULOSALAR
1. Intellektuallashtirilgan o‘qitish vositalari va tizimlari bo‘lajak o‘qituvchilarni intellektual-kasbiy faoliyatga zamonaviy talablarga javob beradigan, ya’ni innovatsion rivojlangan kadr qilib tayyorlashning axborotli asoslari bo‘la oladi.
2. Bo‘lajak boshlang‘ich sinf o‘qituvchilarni intellektual kasbiy faoliyatga tayyorlash uchun shakllantirilgan pedagogik ta’lim bosqichlari ularni innovatsion rivojlangan, intellektual salohiyatli raqobatbardosh zamonaviy kadrlar qilib tayyorlashdagi istiqbolli natijalarni qo‘lga kiritish imkonini beradi va shuning bilan birga u bo‘lajak boshlang‘ich sinf o‘qituvchilarni intellektual kasbiy faoliyatga tayyorlash jarayonlarini ilmiy – metodik jihatdan asoslab olishda ham muhim ko‘rsatmaviy-didaktik asos vazifasini bajaradi.
3. Bo‘lajak o‘qituvchilarni intellektual kasbiy faoliyatga tayyorlash uchun ishlab chiqilgan pedagogik ta’lim bosqichlaridan amaliy faoliyatda foydalanish negizida ta’limda yangicha sifat ko‘rsatkichiga erishib, yuqori samaradorlikni qo‘lga kiritish mumkin va ta’lim oluvchilarni zamonaviy innovatsion yondashuvlar qilishga ham tayyorlash mumkin bo‘ladi.
4. Bo‘lajak o‘qituvchilarni intellektual kasbiy faoliyatga tayyorlashning algoritmik tizimi qaralayotgan muammo yechiminii hal qilishga “Tizimiy yondashuv” tadqiqot metodini qo‘llashga keng imkoniyat yaratadi va bu esa tadqiqotchiga (o‘qituvchiga) o‘z intellektual salohiyatidan samarali foydalana olish imkoniyatlarini aniqlash hamda ularni yuksaltirishga yordam beradi.
5. Bo‘lajak o‘qituvchilarni intellektual kasbiy faoliyatga tayyorlashning algoritmik tizim ularni yetuk zamonaviy kadr qilib tayyorlashning tashkiliy-tuzilmaviy modelini ishlab chiqishga yo‘naltiruvchi-didaktik asos bo‘ladi va eng asosiysi, undan qo‘yilgan muammo yechiminiing optimal variantini topishga metodologik asos sifatida foydalanish mumkin.


II BOB. INTELLEKTUALLASHTIRILGAN O‘QITISH TIZIMLARI NEGIZIDA BO‘LAJAK BOSHLANG‘ICH SINF O‘QITUVCHILARINI INTELLEKTUAL FAOLIYATGA TAYYORLASHNING METODIK TIZIMI