Umumiy o‘rta ta’lim maktablarining 8-sinf adabiyot darsligi yuzasidan savollar

«AYOQINGG‘A TUSHAR HAR LAHZA…»

«Ayoqingg‘a tushar har lahza…» g‘azalining o‘ziga xosligi nimada?

⏩ G‘azal xalq og‘zaki ijodi janri — maqol asosiga qurilgan.

Necha maqol qo‘llangan?

⏩ 5 ta.

Necha bayt?

⏩ 5 bayt.

G‘azal qaysi vaznda yozilgan?

⏩ Hazaji musaddasi mahzuf (yoki maqsur) «mafoiylun—mafoiylun—faulun (yoki mafoiyl)»

G‘azal matlasidagi (Ayoqingg‘a tushar har lahza gisu, Masaldurkim: «Charog‘ tubi – qorong‘u») maqol vositasida yor yuzi, sochi nimaga o‘xshatilyapti?

⏩ Ma’shuqa shamdek oppoq, yuzi yonib turgan shamdek yorug‘, sochi esa qorong‘ulikka o‘xshatilyapti.

G‘azal matlasida qanday badiiy san’at qo’llangan?

⏩ Mubolag’a va o’xshatish.

Ikkinchi baytdagi «Oqqan ariqqa oqar suv» maqoli hozir qanday ko‘rinishda qo‘llaniladi?

⏩ «Oqqan daryo oqaveradi.»

«Oqqan ariqqa oqar su(v)» maqoli baytda qanday ma’noda qo’llangan?

⏩ Umidvorlik ma’nosida.

Uchinchi baytdagi maqol nimani isbotlashga qaratilgan?

⏩ Yor yuzi oy-u quyoshdan ham chiroyli ekanligini isbot etish uchun.

To‘rtinchi baytga ko‘ra yor ko‘zi oshiq qonidan qo‘rqmayotgani nima uchun ajablanarli holat?

⏩ Chunki xalqda «Hindi qayda qon ko‘rsa qo‘rqadi» degan maqol bor, «hindu» deyilganda ko‘z nazarda tutiladi. Bu so‘zni odam deb tushunish ham mumkin (shu o‘rinda iyhom san’ati qo‘llangan).

G‘azal maqta’sida Lutfiy insonni umidvor qiladigan qanday maqolni ishlatadi?

⏩ «Tiloganni tilogu», ya’ni «Tilagan kishi tilagiga yetadi»

Asarga qaysi she’riy san’at asos qilib olingan?

⏩ Irsoli masal.