Ҳукм. Хулоса чиқариш

Оддий ҳукмларда терминлар ҳажми
Оддий ҳукмлар сифати ва микдорига кўра турларга бўлинади.
Сифатига кўра тасдиқ ва инкор ҳукмлар фарқланади. Ҳукмнинг сифатини мантиқий боғлама белгилайди. Тасдиқ ҳукмларда белгининг предметга хослиги, инкор ҳукмларда, аксинча, хос эмаслиги кўрсатилади. Масалан, «ЎзДЖТУ Тошкент шаҳри Учтепа туманида жойлашган» - тасдиқ ҳукм; «Стипендия маош эмас» - инкор ҳукм.
Микдорига кўра оддий ҳукмлар якка, умумий ва жузъий ҳукмларга бўлинади. Бунда субъектда ифодаланган предметларнинг сони, яъни унинг ҳажмидан келиб чиқилади.
Якка ҳукмларда бирорта белгининг предметга хослиги ёки хос эмаслиги ҳақида фикр билдирилади. Масалан: «Буддавийлик жаҳон динидир», «Фозилов жиноятчи эмас».
Умумий ҳукмларда бирорта белгининг якка предметлар синфининг ҳаммасига ёки ундаги ҳар бир предметга тааллуқли ёки тааллуқли эмаслиги ҳақида фикр баён қилинади. Масалан: «Ҳар бир атом ўзининг ядросига эга», ва «Ҳеч бир давлат ўз ҳудудида уруш бўлишини истамайди».
Жузъий ҳукмларда бирорта белгининг предметлар тўпламининг бир кисмига хос ёки хос эмаслиги ҳақида фикр билдирилади. Масалан: «Баъзи қизларнинг сочлари калтадир». «Кўпчилик дарахтлар игна баргли эмас». Жузъий ҳукмларда «баъзи» сўзи «ҳеч бўлмаса биттаси, балки ҳаммаси» деган маънода қўлланилади. Шунга кўра «Баъзи қарздор талабалар стипендия олмайдилар», деган ҳукм чин бўлади, чунки ҳеч бир қарздор талаба стипендия олмайди.
Маълум маънода якка ҳукмларни умумий ҳукмлар билан тенглаштириш мумкин. Чунки ҳар икки ҳукмда ҳам тупламдаги предметларнинг ҳар бирига нимадир тааллуқли ёки тааллуқли эмас, деб кўрсатилади. Якка ҳукмларда эса бу тўплам биргина предметдан иборат бўлади.
Мулоҳазаларнинг тўғри ёки нотўғрилигини аниқлашда ва баъзи бошқа ҳолатларда оддий ҳукмларнинг микдор ва сифати бўйича бирлашган классификацияси (асосий турлари) дан фойдаланилади. Улар қуйидагилардан иборат:

1. 
   А - Умумий тасдиқ ҳукмлар. Улар бир вақтнинг ўзида ҳам умумий, ҳам тасдиқ бўлган фикрни ифодалайди. Масалан, «Ҳамма футболчилар спортчидилар». Бу ҳукмлар лотин алифбосидаги А ҳарфи билан белгиланади ва «ҳамма S-Рдир» формуласи орқали ифодаланади.
   
2.