Қуйи амударё минтақаси

қишлоқ хўжалиги. Хоразм вилояти 1999 йилда Ўзбекистон Республикаси қишлоқ хўжалиги махсулотининг 8,7 фоизини, шу жумладан деҳқончиликнинг 9,2 фоиз ва чорвачилик маҳсулотининг 8,0 фоизини беради. 2000 йилда об­ҳаво шароитларининг, хусусан, деҳқончилик учун ноқу­лай келганлиги сабабли унинг улуши чорвачиликдан камроқ бўлди. Чорвачилик маҳсулоти 2000 йилда 1,5 марта ўсди, ваҳоланки деҳқончиликда бу йилда камайиш юз берди. 1999 йилда эса қишлоқ хўжалик маҳсулотлари қиймат ҳисобида 108,9 фоизга ўсган эди.
Вилоят 1999 йилда мамлакатимизнинг 34,8 фоиз шолисини, 8 фоиз пахта, 8,4 фоиз полиз, 10,9 фоиз мева ва деярли шунча сут ҳамда гўштини, 10,5 фоиз пилласини, 6,2 фоиз сабзавотини етиштирган.
2000 йил маълумотлари бўйича, Хоразм вилояти барча экин майдонлари 225 минг гектар атрофида бўлган. Шунинг 1/5 қисмидан зиёдроғи ғалла, асосан шоли билан банд (15­чизмага қаранг). Бир йилда тахминан 200 минг тонна дон етиштирилади, ўртача ҳосилдорлик 28,4 ц/га. Шу йили об­ҳаво шароитининг ноқулай келганлиги туфайли шоли, пахта, қанд лавлагиси ва бошқа деҳқончилик маҳсулотларини етиштириш ҳам бироз камайган: шоли 40 минг тонна атрофида (1999 й. ­70 минг тонна), пахта 200 минг тоннага яқин (1999 й. ­290 минг т.) олинган. Бироқ, шунга қарамасдан, Хоразм деҳқончилиги иқтисодий жиҳатдан анча юқори кўрсатгичларга хос.
Чорвачиликда ХХI асрнинг дастлабки йили ҳам бирмунча унумдор бўлган. Пилла етиштириш 1474 тоннани ташкил этган. Йирик шохли моллар сони 447 минг бош, шундан қорамоллар 188 минг, қўй ва эчкилар 218 минг бошга яқин.
Хоразм вилоятида ижтимоий соҳалар ҳам ривожланиб бормоқда. Биргина 2000 йилда халқ истеъмол молларини ишлаб чиқариш 108,8 фоизга ортди. Аҳоли жон бошига бу ерда 29 минг халқ истеъмоли моллари, 48 минг сўмлик чакана товар обороти, 8,7 минг сўмлик пуллик хизмат ҳажми бажарилган
Ҳар 10 минг кишига 50,5 бемор каравотлари ва 145 киши амбулатория­поликлиника муассасаларида хизмат қилади. Аҳолини табиий газ билан таъминланиш даражаси ҳам яхши-91,4 фоиз. Бироқ, тоза ичимлик суви билан таъминлаш борасида ҳам ҳал этилмаган муаммолар мавжуд. Бу хусусда ўртача кўрсаткич 64 фоизни ташкил қилган ҳолда у қўш­кўпир, Хонқа ва Шовот туманларида 35-45 фоизга тенг, холос.