Қуйи амударё минтақаси

34­жадвал


Хоразм вилояти саноатининг тармоқлар таркиби
(2000 й., фоиз).

1	Машинасозлик ва метални қайта ишлаш	7,8
2	қурилиш маҳсулотлари саноати	5,8
3	Енгил саноат	32,8
4	Озиқ­овқат саноати	22,6
5	Ун­крупа ва омухта ем саноати	23,8
6	Бошқа тармоқлар	7,2
	Жами саноат	100,0

Жадвал ЎзР Макроиқтисодиёт ва статистика вазирлиги маълумотлари асосида тузилган.
2000 йил якунларига кўра, вилоятда 74 асосий саноат корхоналари мавжуд бўлиб, уларнинг барчасида 34 минг киши хизмат қилади. Ана шу йили 110 млн. кВт/с электрэнергияси, 73,2 минг тонна пахта толаси, 900 минг м² гилам ва гилам маҳсулотлари, 17,9 млн. тонна тозаланган ўсимлик ёғи, 110 минг тонна ун, 1250 млн.м.кв. ип газлама ишлаб чиқарилган.
Кўриниб турибдики, Хоразм вилоятида асосан енгил ва озиқ­овқат саноати етакчилик қилади. Айни вақтда оғир саноат, хусусан металлургия, кимё ва нефт кимёси, электр энергетика ривожланмаган. Бу ерда унча катта қувватга эга бўлмаган Туямўйин ГЭСи бор, холос. Унинг фаолияти ҳам Амударё сув режимига боғлиқ.
Енгил саноат, жумладан тўқимачилик саноати Урганч, Гурлан ва Хонқада, гилам ишлаб чиқариш Хивада ташкил этилган (Хоразм Республикада ишлаб чиқариладиган гилам маҳсулотларининг деярли 60 фоизини беради). Вилоят барча туманларининг марказларида пахта тозалаш заводлари мавжуд. Улар жами саноат маҳсулотининг 1/5 қисмини таъминлайди.
Озиқ­овқат саноати Хонқада (ун, дон маҳсулотлари ва омухта ем), ўсимлик ёғи («Урганчёғ» акционерлик жамияти) ва консерва ишлаб чиқариш Урганчда, шакар заводи Ҳазораспда жойлашган. Машинасозлик корхоналари асосан экскаватор ва бошқа қишлоқ хўжалик машиналарини таъмирлаш (Урганчда), консерва саноати учун шиша идишлар ишлаб чиқариш Боғотда мавжуд.