Udk ­­ Qol jazba huqıqında

Qónǵirotningorli palvoni bordir.⁵²
-dep sátli awdarma jasaǵanlıǵına kózimiz túsedi. Bul shuwmaqtıń birinshi, ekinshi úshinshi qatarı sózbe – sóz awdarmalanǵan biraq tórtinshi qatarında sóz poetikalıq maqset ushın durıs ózgertilgen. Túp nusqadaǵı qalpaqtıń sóziniń ornına qónǵirotning degen atama menen ózgertigen. «Awdarmada sózlerdi awdarmalaw ushın onıń mánisin túsinip oǵan sinonim sózdi taba alıwı kerek, orginaldaǵı mánisin joytıp qoymawı, atamalar, terminler ózgertilmewi dárkar, bul sol xalıqtıń ózligin bildiriwshi yáki sol xalıq haqqında maǵlıwmat beriwshi tiykarǵı derek bolıwı múmkin»- dep jazǵan edi awdarma byınsha qánige ilimpaz M. Garlenko.⁵³ Qońırat bul qaraqalpaqlardıń úlken urıwı, shayırdıń usı Ellerim bardı hám basqa kóp ǵana qosıqlarında qońırat sózi kóp qollanılǵan. Túp nusqada shayır qońırattıń dep emes, qalpaqtıń dep jazǵan bolıwına qaramastan awdarmashı Qónǵirotningning orli palvoni bordir dep awdarmalaǵanınıń sebebi bar, ózbek oqıwshıları ushın qalpaqtıń sózi túsiniksiz bolıp qalmawı ushın qónǵirotning dep túsindiriwge háreket qılǵan.
Máselen qazaq xalqı kóbinese qaraqalpaq degen túsinigin qalpaq degen sóz benen ańlatadı. Al, Ájiniyaz bolsa bul qosıq qatarında buwın teńligin saqlaw ushın biletura qara degen sóz bólegin alıp taslaǵan. Surxandarya, qashqadarya, Ferǵana táreplerde qońırat degende qaraqalpaq milletin oylaydı.
Rustam Musurman Ájiniyazdıń bunnan basqa« «Bolar», «Bólur»» qosıǵın da sátli awdarmalaǵan. Bul qosıǵın awdarmalawda kórkem awdarmanıń sózbe – sóz awdarma túrinen payadalanılǵanlıǵın kóriwimizge boladı. Qosıq qatarları túpkilikli ózgeriske ushıramaǵan. Hár bir qatar sózbe sóz awdarmalanǵan hám tiykarǵı máni durıs ashıp berilgen. Buwın sanları uyqasları túp nusqa menen. Formalıq ózgesheliklerinde ózgeriske ushıramaǵan. Bul qaǵıydalarǵa tolıq juwap beretuǵın shıǵarma etip awdarmalaw awdarmashıdan sheberlikti, sawatlılıqtı talap etedi. Awdarmashı qaraqalpaq tili menen jaqınnan tanıs ekenligi onıń basqa tilden ózgesheliklerin jaqsı biletuǵın bolǵanlıqtan awdarma sátli shıqqanlıǵı anıq. Bul pikirimizdi tómendegi mısllar menen dáliyllewge háreket qılamız: