|
Publicistikalıq uslub
«Publicistika» termini latınnıń publicus – kópshilik degen sózinen alınǵan. Publicistikalıq uslub – kópshilikke túsinikli jazba ádebiy til stiliniń bir túri. Uslubtıń bul túrine xalıqtıń kúndelikli turmısına baylanıslı shıǵarılıp atırǵan jámiyetlik – siyasiy ádebiyatlar, gazeta – jurnal, maqalalar, ocherkler tiliniń stili kiredi.
Publicistikalıq uslubta kórkem ádebiyat, is qaǵazları hám ilimiy – texnikalıq ádebiyatlar tiliniń stiline tán bolǵan belgiler ushırasadı. Biraq óziniń tematikası, mazmunı, sóz qollanıw hám kópshilikke ılayıqlanıw belgilerine qaray ózine tán ózgeshelikke iye boladı. Ol xalıqtıń hár kúngi turmısı menen tıǵız baylanıslı boladı. Xalıqtıń jámiyetlik – siyasiy turmısı ruxında tárbiyalaw, xalıq xojalıǵınıń jetiskenliklerin násiyatlaw gazeta – jurnal hám siyasiy ádebiyatlar arqalı iske asırıladı. Bul wazıypalardı iske asırıwda publicistikalıq shıǵarmalardıń tili kópshilikke túsinikli leksikalıq, grammatikalıq hám orfografiyalıq jaqtan jazba ádebiy tilde qáliplesken sózlerdi paydalanadı.
Publicistikalıq uslubta qollanılatuǵın gápler kórkem ádebiyat uslubındaǵıday tábiyat kórinisleri, obraz jasaw qurallarınıń qatnası sıyaqlı til materialların qollanbaydı. Sonday – aq is qaǵazlarınıń uslubına tán bolǵan standart, shtamp túrindegi sózler hám konstrukciyalar az ushırasadı.
Házirgi waqıtta publicistikalıq uslubtıń formaları kóp. Radio hám televideniede esittiriletuǵın informaciyalıq xabarlar, bayanatlar, ilim hám texnikanıń, mádeniyat hám ekonomikanıń jetiskenlikleri boyınsha maqalalar, ocherkler hám t.b. túrleri bar.
12.2. Berilgen teksti oqıń.
Vestministr universiteti
T ashkent qalasındaǵı xalıqaralıq Vestministr universiteti (TXVU) 2002 – jılı 16 – yanvarda London qalasındaǵı Vestministr universiteti (Ullı Britaniya) hám Ózbekstan respublikası Prezidentiniń «Umit» fondı menen birgelikte shólkemlestirilgen. TXVU Oraylıq Aziyadaǵı xalıqaralıq dárejedegi akkreditaciyadan ótken birinshi universitet bolıp esaplanadı.
TXVU dıń ashılıwınıń tiykarǵı maqseti mámleketimizde xám basqa shet el puqaralarına xalıqaralıq ólshemlerge say ráwishte London Vestministr universiteti tárepinen rásmiy túrde tastıyıqlanǵan biznes basqarıwı, bizneste xabar texnologiyaları, ekonomika hám qarjı, reklama, huqıq tarawlarına bakalavr dárejesi hám xalıqaralıq biznes hám menedjment tarawında magistrlik dárejesi menen sıylıqlawshı joqarı sapalı bilim beriwden ibarat. Bunnan tısqarı ilimiy izleniw hám izleniwler ótkeriw hám professional kurslar inam etiwde óz imkaniyatların jáne de rawajlandırmaqta. Házirgi kúnde universitet Ózbekstandaǵı aldıńǵı oqıw orınlarınan esaplanadı. (Gazeta materialınan).
12.3. Soraw hám tapsırmalar.
1. Ózińizdiń oqıw ornıńız haqqında publitsistikalıq maqala jazıń.
2. Fakultetińiz studentleriniń jetiskenlikleri haqqında publicistikalıq maqala jazıń.
12.4. Berilgen teksti oqıń.
Hayal – qızlar – jámááttiń belsendi aǵzaları
B úgingi kúni hayal – qızlarımız jámiyettiń barlıq tarawlarında erler menen teńdey jumıs atqarıp kelmekte. Institutımızda miynet etip atırǵan hayal – qızlar ózleriniń belsendiligi, kúsh – jigeri menen kózge túsip kelmekte. Biz 8 – mart xalıqaralıq hayal – qızlar bayramı qarsańında institut hayal – qızlar komiteti baslanǵısh shólkemi tárepinen institut hayal – qızların birlestiriw, olardı hár tárepleme qollap – quwatlaw boyınsha alıp barılıp atırǵan jumısları menen gazeta oqıwshıların tanıstırıw maqsetinde shólkem baslıǵı L.Ibragimovanı sózge tarttıq.
- Jámáátińizde hayal – qızlardıń belsendiligin arttırıw, olardı qollap – quwatlaw boyınsha qanday jumıslar alıp barılmaqta?
- Búgingi kúnde instituta 224 hayal – qız pedagog – xızmetker hám 183 isshi xızmetker hayal – qız bolıp, 3703 student qız 10 baǵdar boyınsha oqıp bilim almaqta. Hayal – qızlarımızdan 1 ilim doktorı, 18 docent, 52 ilim kandidatı, 42 izleniwshi, keleshek jaslarımızǵa sapalı tálim – tárbiya beriwde ayanbay xızmet etip kelmekte.
Student qızlarımızdı ana – watanǵa, milliy miyraslarımızǵa hám xalqımızdıń ullı tulǵalarına sadıqlıq ruxında tárbiyalaw maqsetinde «Zulfiyaxanım qızları», «Azada qızlar», «Qábiletli qızlar», «Sheber qollar» pán dógerekleri shólkemlestirildi.
Hár jılı shólkemimiz tárepinen 17 – noyabr xalıqaralıq studentler kúni múnásibeti menen Talabalar turar jayında «Zakovat» intellektual oyınları hám respublikalıq AIJS qa qarsı gúresiw orayı qánigeleri menen birgelikte «1 – dekabr AIJS keselligine qarsı gúresiw kúni» múnásibeti menen talabalar arasında ushırasıw kesheleri shólkemlestirilmekte.
«Azada qızlar» tańlawı hám usı taqılette basqa da qararlar tiykarında Talabalar turar jayında «Quwnaqlar hám ziyrekler» tańlawları bolıp ótti. Bunday tańlawlardı jıl dawamında ótkeriwimizdiń tiykarǵı maqseti talabalardıń bos waqtın mazmunlı ótkeriw hám hár tárepleme bilimin asırıw, watanǵa muhabbat, sezimlerin oyatıp, jámiyetlik jumıslarǵa belsendiligin arttırıwdan ibarat.
2017 – jıldıń yanvar, fevral aylarında «Watan qorǵawshıları kúni» múnásibeti menen instituttıń pedagog – xızmetker hayal – qızları arasında sporttıń voleybol túri boyınsha institut birinshiligi hám 8 – mart xalıqaralıq hayal – qızlar bayramı múnásibeti menen pedagog – xızmetker hám talaba hayal – qızlar arasında sporttıń voleybol túri boyınsha «Institut kubogi» bolıp ótti. 2017 – jılı 2 – fevral kúni instituttıń májilisler zalında «Erte turmıs qurıwdıń aldın alıw hám aǵayinler arasındagı nekeniń aqıbetleri» atlı temada seminar – trening bolıp ótti. Seminar – treningte jaslarımızǵa turmısta óz ornın tabıwda úlken sabaq bolatuǵın videorolikler kórsetilip hám talaba qızlar ózlerin qızıqtırǵan sorawlarına miymanlar tárepinen tiyisli juwaplar aldı. Zulfiya Israilovanıń 102 jasqa tolıw múnásibeti menen «Qızıń shayır bolsın, Zulfiya bolsın» atamasındagı kórik – ádebiy keshe shólkemlestirildi. Keshege miymanlar hám barlıq fakultetlerdiń hayal – qızlar keńesi baslanǵısh shólkemi baslıqları hám talaba jaslar qatnastı.
Instituttıń pedagog – xızmetkerleri hám talaba jasları arasında kesheler, seminar – trening, sport jarısları ótkerilip atır. Bunda jeńiske erisken hár bir komanda belsendi talabalar hám jámiyetlik jumıslarǵa belsene qatnasıp kiyatırǵan pedagog – xızmetkerlerge institut kásiplik awqamı, «Kamolot» JJH baslanǵısh shólkemi hám sport klubı tárepinen arnawlı diplom hám qımbat bahalı sawǵalar menen sıylıqlanıp kelinbekte.
Sonday – aq «Xalıq penen pikirlesiw hám insan mápleri jılı» baǵdarlaması tiykarında institut prorektorı Q.Qodirov, institut kásiplik awqamı hám «Kamolot» JJH baslanǵısh shólkemi jetekshisi menen birgelikte barlıq fakultetlerde talabalar menen sáwbetlesiwler tez – tezden ótkerilip tur. Bunda biz talabalardıń usınısları, talapları, ótinishleri hám mashqalaları menen tanısıp, bular boyınsha zárúr ilajlar islenbekte.
Óz sáwbetimnen paydalanıp, 8 – mart hayal – qızlar bayramı menen instituttıń gúllán hayal – qızların shın júrekten qutlıqlap qalaman.
Mart ayı Liza apa ushın áwmetli baslandı desem qátelespeymen. 8 – mart hayal – qızlar bayramına baǵıshlanıp, Tashkent qalasında ótkerilgen kontsert baǵdarlamasına qatnasıp, elimiz basshısı Sh.Mirziyoevtıń bayram qutlıqlawı menen birge sawǵa (noutbuk) alıwǵa miyasar boldı. Bul elimiz basshısınıń hayal – qızlarǵa kórsetken sheksiz itibarı.
12.5. Ózbekstandaǵı joqarı oqıw orınları haqqında maǵlıwmat beriń.
Terminlerdi salıstırıń
Do'stlaringiz bilan baham: |
