Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

11.5. Ózlerińizdiń qánigeligińizge baylanıslı ilimiy maqala jazıń, toparıńızda talqılań hám gazetaǵa yamasa jurnalǵa usınıń.
11.6. Ádebiyattı oqıtıwǵa arnalǵan metodikalıq qollanbaǵa jazılǵan pikirdi úyrenip shıǵıń.
Dáwir talabına say miynet
Búgingi kúnde bilim beriwdiń sapasın jáne de arttırıw maqsetinde bilimlendiriw tarawında bir qatar iygilikli isler ámelge asırılmaqta. Oqıw protsesine zamanagóy bilimlendiriw texnologiyaların engiziwden gózlengen baslı maqset – bul jámiyetimizdiń keleshegi sanalǵan jas áwladtıń ilimge intasın, uqıbın asırıw, bilimin tereńlestiriw bolıp tabıladı. Bul álbette, dáwir talabı da bolıp sanaladı.
2016 – jılı «Qaraqalpaqstan» baspasında jarıq kórgen «Ádebiyat teoriyasın oqıtıwda innovatsiyalık texnologiyalar» – dep atalǵan metodikalıq qollanba bilimlendiriwdegi tikkeley usı maqsetlerge qaratılǵan. Bul miynettiń avtorları Berdaq atındaǵı QMU dıń oqıtıwshıları Jamila Sagidullaeva hám Jupargúl Qaniyazova.
Ádebiyat teoriyası páni ádebiyattanıw ilimin teoriyalıq baǵdarda úyretedi. Ol joqarı oqıw orınlarında oqıtılatuǵın tiykarǵı qánigelik pánlerden biri. Bul miynet tiykarınan, usı pánnen ótiletuǵın 10 tema boyınsha lektsiya sabaqlarına arnalıp, bul temalardıń oqıtılıw texnologiyası avtorlar tárepinen oǵada maqsetke muwapıq túrde ıqsham, tili túsiniwge jeńil hám mazmunlı dúzilgen.
Al bilimlendiriwde joqarı oqıw orınlarında ádebiyat teoriyası qánigelik sabaǵın innovatsiyalıq texnologiya arqalı oqıtıw boyınsha jarıq kórgen bul miynet ádebiyattı bakalavrlarǵa, magistrlarǵa zamanagóy usıllar arqalı úyretiw ushın arnalǵan. Ilimlerdiń integratsiyalasıwı máselesi de búgingi kúnde eń aktual mashqalalardan sanaladı. Sonlıqtan da, metodikalıq qollanbada avtorlar ádebiyat teoriyasın oqıtıwda sabaqtıń informatsiyalıq texnologiyalar arqalı bir tutaslıqta, baylanıslılıqta alıp barılıwına itibar qaratqan. Ádebiyat teoriyasınan lektsiya sabaqların ótiwde «Assesment» texnikası, «Blits – soraw» usılı, «Venn diagramması», «Túsinikler analizi» texnologiyası, «Aqılıy hújim» hám t.b. usıllardan paydalanıw úlgileri usınılǵan. Sonday – aq, bul qollanbada lektsiya sabaǵı menen birgelikte ámeliy hám seminar sabaqların nátiyjeli ótkeriw ushın bir qatar interaktiv usıllardan orınlı túrde paydalanǵan.
Juwmaqlap aytqanda, kelesheginen úmit kúttiretuǵın jas ilimpazlar J.Sagidullaeva hám E.Qaniyazovalar ádebiyattanıw ilimi, ádebiyat teoriyası máseleleriniń ele de mazmunlı oqıtılıwında onıń metodikasına, oqıtılıw texnologiyasına itibar qaratıwı menen ádebiyattı oqıtıw metodikasına salmaqlı úlesin qosqan. (Z.Qtaybekova)
11.7. Tapsırma. Ózlerińiz tańlap alǵan yamasa oqıǵan kitabıńızǵa pikir jazıń.
Terminlerdi salıstırıń