Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

15.2. Sorawlar hám tapsırmalar. Sáwbet ótkeriń.
1. Joqarıdaǵı «Ádepliliktiń tiykarı – dástúrler, úrp – ádetler» tekstin dıqqat penen oqıp sóylep beriń.
15.3. Berilgen sorawlar dógereginde sáwbet ótkeriń.
1. Qaraqalpaq xalqınıń toy dástúrleri haqqında sizler ne bilesiz?
2. Qaraqalpaq xalqınıń qanday dástúrlerin bilesiz?
3. Sizlerdiń awıllarıńızda úrp – ádet, dástúrlerdiń qaysıları saqlanǵan.
15.4. Qaraqalpaq xalqınıń kiyim – kenshekleri
Hár bir xalıqtıń jasaǵan tábiyiy ortalıǵına, turmısına baylanıslı ózine tán milliy kiyimleri bolǵan. Bul milliy kiyimleri olardıń ásirler dawamında qáliplestirip, qásterlep, saqlap kelgen milliy mádeniyatınıń bir bólimi bolıp tabıladı. Qaraqalpaqlar ózleriniń kiyimleri arqalı da basqa xalıqlardan ajıralıp turadı.
Q araqalpaqlar qızların jaslayınan kiyim tigiw, órmek toqıw, keste tigiw sıyaqlı sheberlik islerine úyretip kelgen. Hár bir qız turmısqa shıǵaman degenshe qaraqalpaq milliy kiyimlerin tigiwdi, milliy naǵıslar toqıwdı biliwi tiyis bolǵan.
Qaraqalpaq qız – kelinshekleriniń kiyim – kenshekleri sulıw etip naǵıslar menen bezelip, kiyimler hár túrli reńlerge iye bolǵan. Ásirese, olar qızıl hám kók reńdegi gezlemelerden tigilgen kiyimler kiygen.
Hayal – qızlar kóylektiń sırtınan shapan, beshpent, jeńsiz kiygen. Al jası úlken hayallar hám kelinshekler aq reńdegi gezlemelerden tigilgen kiyimler kiygen.
Jas qızlar basına taqıya kiygen, oramal tartqan. Bunnan basqa kiymeshek, jegde, sáwkele kiygen. Aq kiymeshekti kempirler, qızıl kiymeshekti jas kelinshekler kiygen.
J egde – qaraqalpaq hayal – qızlarınıń bas kiyimi esaplanıp, ol shapanǵa uqsas bolǵan, biraq onıń jeńi bolmaǵan. Qızlar, jas kelinshekler jipekten tigilgen qızıl jegde, al kempirler aq jegde jamılǵan.
Sáwkele toy – merekelerde kiyiletuǵın kiyim bolıp, uzatılǵan qızǵa, qız jeńgesi tárepinen kiygizilgen. Sáwkele gúmis, altın teńgeler, monshaqlar, marjanlar menen bezetiletuǵın bolǵan.
15.5. V.I. Savickiy atındaǵı muzeyge barıp qaraqalpaq hayal – qızlarınıń milliy kiyimleri, taǵınshaqları menen tanısıń hám kishi kólemdegi maqala jazıń.