Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

17.2. «Orta Aziyanıń ullı tulǵaları» tekstindegi astı sızılǵan sózlerge sorawlar qoyıń. Qaysısı menshikli, qaysısı ǵalabalıq atlıq ekenin anıqlań.
17.3. Tapsırmalar.
1. Ullı tulǵalardıń birin tańlap ilim hám mádeniyattıń rawajlanıwına qosqan úlesi haqqında maǵlıwmatlardı internetten tabıń. Alǵan tekstińizden atlıq sózlerdi tawıp, tiyisli sorawlar qoyıń.





Atlıqtıń jasalıwı
Atlıqlar eki túrli jol menen jasaladı: 1) Sóz jasawshı qosımtalar qosılıw jolı menen; 2) Atlıqlardıń qosılıw jolı menen.
Qosımtalar menen jasalǵan atlıqlarǵa dórendi atlıqlar dep ataladı. Dórendi atlıqlar atlıq hám basqa sóz shaqaplarınıń túbirine atlıq jasawshı qosımtalardıń jalǵanıwı arqalı jasaladı. Mısalı: balıq – shı, salı – kesh, tuwra – ma, bas – lıq, kórin – is, ón – im, túyin – shik hám t.b.
Atlıqlardıń qosılısıwı arqalı jasalǵan túrine qospa atlıq delinedi. Mısalı: Qızılqum, Taqıyatas, Xojeli, Aral teńizi.

17.4. Qaraqalpaq tilindegi túpkilikli seslerdiń jazılıwına dıqqat awdarıń. Atlıqtıń qosımtaların ajıratıń.
Ózbekstan dúrdanaları
Tariyx qanshadan – qansha shah, ámirlerge gúwa bolmaǵan deysiz. Olar dóretken gózzal imaratlar sol dáwir húkimdarınıń qudiretinen dárek bergen. Mámleketimizdiń qalalarında pútin dúnya sayaxatshıların ózine dıqqatın qaratqan arxitektura dúrdanaları mámleketimizdiń maqtanıshı. Dúnyanıń hesh qaysı bir mámleketinde ushıramaytuǵın bunday imaratlar dúnya miyrasına aylandı.
Qudiretli úlken imperiyaǵa tiykar salǵan ullı babamız Ámir Temur hám onıń áwladları tárepinen qurılǵan imaratlar ásirler assa da óziniń qádir – qımbatın joytqan joq. Saqıpqıran Jáhángir pútkil ómiri dawamında abadanlastırıw isleri menen shuǵıllandı. Onıń «Biziń qudiretimizge shubha etseńiz, biz qurdırǵan imaratlarǵa qarań» degen sózleri áwladlarǵa uran bolıp qaldı.