Учебное пособие по предмету «Каракалпакский язык» написано и утверждено на основе учебного плана и рабочей программы. Учебное пособие предназначено для студентов высших учебных заведений, обучающихся по специальности на узбекском языке

16.3. Tekstten sóz shaqapların tabıń.
Búginińe kóz tiymesin, xalqım!
Ǵ árezsizlik! Bul sózdi esitken hár bir zamanlasımızdıń kewlinde maqtanısh, kókireginde tolqınlanıw sezimi payda boladı. Eń dáslep usınday tınısh, abadan úlkede jasap atırǵanı ushın shúkirshilik etedi. Ǵárezsizliktiń bizge berip atırǵan ziynetleri kóp. Aydın keleshekke qaray óziniń isenimli qádemin taslap atırǵan hár bir jas búgingi kúnde jetiskenlikten bos qalıp atırǵan joq.
Milliy kiyimlerimizdi zamanagóy usıl menen úylestiriw xalqımızdıń kók kóylek, sáwkele, taqıya, jegde, jeńsiz, beshpent hám t.b. milliy kiyimleri zamanagóy texnikalar járdeminde qayta islenip, jáhán xalqınıń itibarına túsip atırǵanlıǵı quwanarlı. Sonday – aq baqsıshılıq, jırawshılıq hám t.b. milliy kórkem ónerimizdiń keńnen en jayıwı da úlken jetiskenlik. Ǵárezsizliktiń hawasınan nápes alıp Salamat Ayapov, Jánibek Piyazov usaǵan jaslarımız jırawshılıq óneri boyınsha xalıqaralıq tańlawlarda qatnasıp, jeńimpaz bolıp, xalqımız mádeniyatın sırt ellerge tanıttı. Al dúnya kórkem ónerinen opera jónelisi boyınsha jerlesimiz Jeńisbek Piyazovtıń jáhán saxnalarında «Maysara», «Ájiniyazdıń ariyası» sıyaqlı operalardı atqarıp, dúnya xalıqların tán qaldırıwı, jer júzlik kólemdegi tańlawda jeńimpaz dep tabılıwı, – barlıǵımız ushın maqtanısh.
Tashkent qalasında Joqarı oqıw orınlarınıń Nókis filialları ashılıp, ondaǵı oqıtıw tártibi jańasha túske endi. Tek ǵana paytaxtımız emes, al alıs awıllarımızda da kózdi quwandıratuǵın, zamanagóy texnikalar menen támiyinlengen, sońǵı usılda qurılǵan akademiyalıq litseyler, kásip – óner kolledjleri hár bir jastı oqıwǵa, bilim alıwǵa shaqırmaqta.
Elimiz sportshıları úlken arenalarda jáhánniń belgili sportshıları menen bellesip atırǵanlıǵın kók ekrannan kórip, «hesh nárse mámleketti sport kibi tez dúnyaǵa tanıta almaydı» – degen birinshi Prezidentimiz I.A.Karimovtıń sózinde haqıyqat jatqanlıǵın túsinemiz. Jaqında futbol boyınsha jarısta mámleketimizdiń 20 jasqa shekemgi bolǵan saylandı komandası Gretsiya mámleketiniń ústinen jeńiske eriskenligi bul sózimizdiń ayqın dáliyli. E.Qutıbaev, A.Turdanov, R.Qasımjanov, I.Tólegenova hám t.b. sportshılarımızdıń jáhán chempionları qatarında turǵanlıǵı da mine, usı ǵárezsizlik dep atalatuǵın daraqtıń jemisi.
B irinshi Prezidentimiz I.A.Karimovtıń 2009 – jıldı «Awıldı rawajlandırıw hám abadanlastırıw jılı» dep belgilewi menen baslanǵan arxitekturalıq joybar tiykarında awıllarımızda qalalardan qalıspaytuǵın úy – jaylar menen támiyinlep atır. Burın multifikatsiyalıq filmlerde ǵana kóretuǵın sulıw imaratlar, barlıq qolaylılıqlarǵa iye jaylar búgingi kúni awılımızdıń kórkine – kórk qosıp tur. Ulıwma, qaysı tarawdı alıp qaramayıq, jetiskenlikten bos qalıp atırǵanımız joq. Bulardı kórip quwanǵanımızdan, tolqınlanıp: Búginińe kóz tiymesin xalqım! – deymiz.